धाराशिव – समय सारथी
धाराशिव लोकसभा लढवण्याची माझी तयारी असुन उद्धव ठाकरेंनी आदेश दिले की लढू असे म्हणत खासदार ओमराजेचे आव्हान अंबादास दानवे यांनी स्वीकारले. खासदार ओम राजेनिंबाळकर दानवेंवर जोरदार टीका करताना म्हणाले, नुसत चॅलेंज स्वीकारून चालत नाही, माणसात राहावे लागते. पक्षाने सांगायची गरज नाही, लढायचे असेल तर लढावे, मोस्ट वेलकम, असे म्हणत ओमराजेंनी दानवेंना पुन्हा आव्हान दिले.
मी जनतेतुन निवडून येऊन माझ्या राजकारणाची सुरुवात झाली आहे. मी वडिलांच्या नावावर किंवा सहानभूतीवर निवडून आलेलो नाही. मी शेतकऱ्याचा मुलगा असुन त्या बळावर निवडून आलो आहे, वडील किंवा अन्य कोणाची सहानभूती घेऊन मी आलो नाही. मी अनेक वर्ष पक्ष संघटनेचे काम करीत असुन उद्धव ठाकरे यांनी आदेश दिल्यास धाराशिव येथून सुद्धा निवडणुक लढवायची माझी तयारी आहे, असे अंबादास दानवे म्हणाले.
ओमराजे शिवसेनेत असताना शान से राहायचे आता त्याची काय स्तिथी आहे हे सर्वाना माहिती आहे. ओमराजे हे फोन उचलतात हे सोशल मिडियाद्वारे केलेला प्रचार आहे, मी अनेकदा 10-10 वेळा फोन लावले त्यांनी उचलले नाहीत, त्यानंतर 4 तासांनी फोन करायचे. ही अवस्था असेल तर सामान्य जनतेचे काय असेल असे म्हणत टीका केली.
काय होतास तू काय झालास तू अशी टीका माजी विरोधी पक्ष नेते अंबादास दानवे यांनी केली होती त्यानंतर खासदार ओमराजे निंबाळकर यांनी दानवे यांनी जनतेतून निवडून यावे असे प्रतिउत्तर देत आव्हान दिले होते, त्यावर दानवे यांनी प्रतिक्रिया दिली. ते आदित्य ठाकरेंच्या सोबत धाराशिव दुष्काळ पाहणी दौऱ्यावर होते तेव्हा त्यांनी चौफेर टीका केली.
