धाराशिव – समय सारथी
धाराशिवचे पोलिस अधीक्षक अतुल कुलकर्णी यांची सोलापूर ग्रामीण येथे बदली झाली बदली झाली असुन बारामतीचे अपर पोलिस अधीक्षक संजय जाधव यांची धाराशिवच्या नुतन पोलिस अधीक्षकपदी नियुक्ती करण्यात आली आहे.
कायदा व सुव्यवस्था कायम राखणे, स्मार्ट पोलिसिंग करण्यासह गुन्हेगारी कमी करून महिलांविषयक गुन्हे उकल यात अतुल कुलकर्णी यांनी महत्वाची भुमिका बजावली आहे. वृक्षलागवड, पर्यावरण पुरक गणपती, पारधी समाजाच्या मुलांचे पुनर्वसन व त्यांना नौकरीत संधी असे अनेक उपक्रम कुलकर्णी यांनी राबविले. पहाट उपक्रम हा राज्यभर राबवीला गेला.
संजय जाधव हे बारामती अगोदर चंद्रपूर व श्रीरामपूर येथे गेली बारा वर्षे अतिरिक्त पोलिस अधीक्षकपदाचा कार्यभार सांभाळला आहे. लोकसभा निवडणुकीपुर्वी ते बारामती येथे आले होते. चंद्रपूर येथे कार्यरत असताना नक्षली भागात विशेष कामगिरी बजावल्याबद्दल जाधव यांना राज्य शासनाच्या वतीने विशेष सेवा पदक प्रदान करण्यात आले आहे.
