धाराशिव – समय सारथी
धाराशिव शहरातील नामांकित असलेल्या पोदार इंटरनॅशनल स्कुलमध्ये शिक्षणाचा बट्याबोळ उडाला असुन अनेक प्रकाराबाबत पालकांनी जिल्हाधिकारी व पोलिस अधीक्षक यांना निवेदन दिले आहे. पोदार प्रशासनाने कारवाई न केल्यास बुधवारी आंदोलन करण्याचा इशारा निवेदनात दिला आहे. पोदार शाळेत मुलींशी गैरवर्तन करणारा शिक्षक कोण याची चर्चा होत असुन त्याच्यावर कारवाई करावी अशी मागणी पालकांनी केली आहे. अली सध्या धाराशिव येथील जिल्हा कारागृहात आहे. अली विरोधात तक्रारी असतानाही स्कुलने त्याला प्रमोशन देऊन एक प्रकारे त्याच्या चुकावर पांघरून टाकले.
पोदार स्कुलमधील सहशिक्षिकेवर बलात्काराच्या आरोपाखाली गुन्हा नोंद होऊन अटक असलेला शिक्षक हैदर अली शेख हा मुलींशी गैरवर्तन करायचा असा गंभीर आरोप पालकांनी निवेदनात केला आहे. मुलींना हीन भाषेत बोलणे, त्यांना टोपण नावे देणे, नकोसा स्पर्श असे प्रकार होत असल्याचा आरोप केला आहे. पोदार स्कुलमध्ये अभ्यासाबाबत अनेक त्रुटी असुन एक क्रीडा शिक्षक मुलीशी असभ्य वागणे, नकोसा स्पर्श करणे असे प्रकार करीत आहेत त्यामुळे मुली असुरक्षित असल्याचा आरोप पालकांनी निवेदनात केला आहे. पालक 11 डिसेंबर रोजी बुधवारी पोदार स्कुलमध्ये आंदोलन करणार आहेत.
पोदार स्कुलमधील सिनिअर कोओर्डीनेटर असलेला शिक्षक हैदर अली शेख याने सहशिक्षिकेला विविध आमिष दाखवून सोलापूर व धाराशिव येथे लॉजवर नेहून बलात्कार केल्याप्रकरणी पिडीत शिक्षिकेने दिलेल्या तक्रारी वरून आनंदनगर पोलिसात गुन्हा नोंद केला आहे, हा शिक्षक पिडीत शिक्षिकेस तु चांगले शिकवतेस. माझ्या ओळखी आहेत, तुझे प्रमोशन करुन एअर लीडर करतो असे सांगत आमिष दाखवायचा व तिच्यावर बळजबरीने बलात्कार करायचा असे फिर्यादीत नमुद आहे.अली याला पोलिसांनी अटक केली आहे.
पालकांनी 25 मार्च 23 रोजी पोदार स्कुलच्या प्रशासनाकडे लेखी तक्रार दिली होती त्यात अनेक बाबी नमुद आहेत, त्यावर कारवाई न झाल्याने पुन्हा एकदा 7 डिसेंबर रोजी लेखी तक्रार दिली आहे. अभ्यासक्रम शिकवीला न जाणे, तक्रार करणाऱ्या विद्यार्थी यांना टार्गेट करणे, शाळेतील काही शिक्षक खासगी क्लासेस घेत असणे, मुलींचा ड्रेस कोड, प्रशिक्षित शिक्षक नसणे, अपुरा स्टाफ यासह अन्य बाबी तक्रारीत नमुद केल्या आहेत, त्यातील मुलींशी गैरवर्तनाचा प्रकार गंभीर आहे. येत्या 2 दिवसात कारवाई न झाल्यास 11 डिसेंबरला आंदोलन करण्याचा इशारा दिला आहे.
