डॉ बापूजी साळुंखे विधी महाविद्यालयात कॉपी बहाद्दर विद्यार्थ्यावर कारवाई – कायदा शिकणाऱ्या विद्यार्थीला कायद्याचा दणका

धाराशिव – समय सारथी 

डॉ बाबासाहेब आंबेडकर मराठवाडा विद्यापीठ, छत्रपती संभाजीनगर अंतर्गत घेण्यात येत असलेल्या विधी विषयाच्या पदवी व पदव्युत्तर पदवी अभ्यासक्रम परीक्षा सुरु झाल्या आहेत. 16 मे रोजी डॉ बापूजी साळुंखे विधी महाविद्यालय धाराशिव येथे एक विद्यार्थी कॉपी व  गैर मार्गाचा अवलंब करताना आढळून आला. सदर कॉपी बहाद्दर विद्यार्थ्यावर त्वरित कारवाई करण्यात आली.

श्री स्वामी विवेकानंद शिक्षण संस्था ,कोल्हापूर चे मराठवाडा विभागप्रमुख प्राचार्य डॉ जयसिंगराव देशमुख यांच्या मार्गदर्शनाखाली विद्यापीठ परीक्षा सुरळीत पार पाडणे व विद्यापीठ परीक्षेत कॉपी- गैरप्रकार टाळणे या करीता आवश्यक सर्व उपाय योजना चोखपणे सज्ज करण्यात आल्याची माहिती प्राचार्य डॉ कायला कृष्ण मुर्ती यांनी दिली. 

त्याचबरोबर विद्यार्थ्यानी कोणत्याही गैर मार्गाचा अवलंब करू नये व विद्यापीठ प्रशासनाने दिलेल्या सर्व नियमावलीचे तंतोतत पालन करावे असे आवाहन प्राचार्य डॉ कायला कृष्ण मुर्ती व परीक्षा विभाग प्रमुख डॉ इक्बाल शाह यांनी केले.