धाराशिव – समय सारथी
तुळजापूर येथील ड्रग्ज तस्करी गुन्ह्यात फरार स्वराज उर्फ पिनू तेलंग या आरोपीला सोलापूर येथून अटक केली आहे, माजी नगराध्यक्ष चंद्रकांत उर्फ बापु कणे यांना तामलवाडी पोलिसांनी पुणे शहरातील तळेगाव दाभाडे येथून अटक केली आली. एकाच दिवसात 2 फरार आरोपीना अटक केल्याने पोलिसांनी अटकसत्राला सुरुवात केली आहे. तेलंग व कणे हे दोघे तस्कर गटातील आरोपी आहेत.
पालकमंत्री प्रतापराव सरनाईक यांनी तुळजापूर येथे पोलीस अधिकारी यांची विशेष बैठक घेत आढावा घेतला व त्या बैठकीत ड्रग्ज तस्करी गुन्ह्यातील सर्व फरार आरोपीना 15 ऑगस्ट पुर्वी अटक करा, गुन्ह्यातील आरोपीवर मकोका लावा असे आदेश दिले होते, पालकमंत्री यांच्या डेडलाईननंतर पोलीस सक्रिय झाले आहेत. यातील काही आरोपी हे जामीन मिळण्यासाठी उच्च न्यायालयात गेले होते.
ड्रग्ज तस्करीत 38 आरोपी असुन त्यातील 11 आरोपी फरार आहेत तर 3 जणांना जामीन मिळाला असुन 22 आरोपी हे धाराशिव येथील जिल्हा कारागृहात आहेत तर अभिजीत अमृतराव हा पोलीस कोठडीत आहे. पोलिसांनी 10 हजार 744 पानाच्या दोषारोप पत्रात तपासाअंती 38 पैकी 28 आरोपी तस्कर तर 10 आरोपी सेवन गटात दाखवले आहेत. 22 जुन रोजी माजी नगराध्यक्ष संतोष कदम परमेश्वर उर्फ मेंबर यांना अकलूज सोलापूर येथून स्थानिक गुन्हे शाखेने अटक केली त्यानंतर 18 जुलै रोजी अभिजीत अमृतराव या आरोपीला अटक केली, त्यानंतर 21 जुलैला कणे व तेलंग यांना अटक केली.
फरार आरोपी (11) – इंद्रजीतसिंग उर्फ मिटू रणजीतसिंह ठाकुर, मुंबई येथील वैभव गोळे, प्रसाद उर्फ गोटन कदम परमेश्वर, अभिजीत गव्हाड, विनायक इंगळे,शाम भोसले,संदीप टोले,जगदीश पाटील,विशाल सोंजी, दुर्गेश पवार व सोलापुर जिल्ह्यातील उपळाई येथील अर्जुन हजारे हे सर्व 11 आरोपी फरार असुन पोलिस त्यांचा शोध घेत आहेत. पोलिस अधीक्षक रितु खोकर व अपर पोलीस अधीक्षक शफकत आमना, उपविभागीय अधिकारी डॉ निलेश देशमुख यांच्या मार्गदर्शनाखाली सपोनि गोकुळ ठाकुर हे तपास करीत आहेत.
