धाराशिव – समय सारथी
दरोडेखोरांच्या गँगने धाराशिवमध्ये धुमाकुळ घातला असुन 8 ते 10 सशस्त्र लोक CCTV मध्ये कैद झाले असल्याने दहशतीचे वातावरण निर्माण झाले आहे. या प्रकरणात पोलिस अधीक्षक अतुल कुलकर्णी यांच्या मार्गदर्शनाखाली पोलिसांची 2 तपास पथके नेमली असुन महत्वाचे धागेदोरे पोलिसांच्या हाती लागले आहेत, येत्या काही दिवसात अधिक चित्र स्पष्ट होणार आहे.
धाराशिव शहरातील गांधी नगर येथे एकाचे घर फोडले असुन, निकेतन कॉलनी परिसरात 8 ते 10 दरोडेखोर हे बिनधास्त वावरत असताना दिसत आहेत याप्रकरणी गुन्हा देखील नोंद करण्यात आला आहे.
साधना धाबेकर ह्या गांधीनगर येथून लग्नासाठी स्कुटीवरून जात असताना एक चोरटा दुचाकीवर आला व चालत्या गाडीवरून त्यांच्या गळ्यातील 20 ग्राम/ 2 तोळ्याचे मंगळसुत्र चोरट्याने चोरून नेले होते, हा चोरटा सिसीटीव्हीमध्ये कैद झाला असुन पोलिसांना त्याला पकडण्यात अद्याप यश आलेले नाही. साधना अभिजीत धाबेकर यांनी दिलेल्या तक्रारीवरून भारतीय न्याय संहिता कलम 309(4) नुसार गुन्हा नोंद करण्यात आला आहे.
