धाराशिव – समय सारथी
मराठा आरक्षण अंमलबजावणी व मनोज जरांगे पाटील यांच्या समर्थनार्थ धाराशिव जिल्ह्यातील मराठा समाज पेटला असुन धाराशिव शहरातून सुरु केलेल्या ठिय्या व चक्काजाम आंदोलनाचा वनवा सर्वदूर पसरला आहे. धाराशिव जिल्ह्यातील अनेक भागात रात्री उशिरापर्यंत आंदोलन सुरु आहेत. पुढच्या पिढीच्या कल्यानासाठी व भविष्यासाठी मराठा रात्रभर डोळ्यात तेल घालुन जागतोय… धाराशिव, भुमसह अन्य भागात मुक्कामी ठाण मांडून आंदोलन सुरू असुन मराठ्यांनी एकच मिशन मराठा आरक्षण असा नारा दिला आहे.
धाराशिव शहरातील छत्रपती शिवाजी महाराज चौक व भुम शहरातील गोलाई चौक येथे रात्री आंदोलन सुरु आहे. हजारो मराठा बांधव ठिय्या आंदोलन करीत आहेत. धाराशिव शहरातील शिवाजी महाराज चौक येथे आंदोलक हे बैलगाडी सह आले असुन त्यांनी तिथेच जनावर यांना चारा दिला आहे व रात्रभर भजन कीर्तन सुरु केले आहे.
