धाराशिव – समय सारथी
तुळजापूर नगर परिषदेचे तत्कालीन मुख्याधिकारी डॉ पंकज जावळे यांना शासकीय कार्यालयात घुसून मारहाण केल्याच्या प्रकरणात आरोपी असलेले नगरसेवक सुनील रोचकरी यांना दिलासा मिळाला आहे. धाराशिव जिल्हा कोर्टाने सुनावलेला 15 हजार रुपयांचा दंड छत्रपती संभाजीनगर उच्च न्यायालयाने कायम ठेवला आहे. तुळजापूरचे नेते देवानंद भाऊ रोचकरी यांना जिल्हा कोर्टाने शिक्षा व दंड सुनावला होता तो निर्णय कायम ठेवत अपील फेटाळले. न्यायमुर्ती संजय देशमुख यांनी हे आदेश दिले आहेत.
तुळजापूर नगर परिषदेचे तत्कालीन मुख्याधिकारी डॉ पंकज जावळे यांना 15 मे 2007 रोजी नगर परिषद कार्यालयात जाऊन मृत्यू प्रमाणपत्र व ठेकेदारीचे बील यावरून जातीवाचक शिवीगाळ व मारहाण केल्याप्रकरणी देवानंद रोचकरी, नगरसेवक सुनील पिटू रोचकरी यांच्यासह अन्य जणांवर गुन्हा नोंद करण्यात आला होता, त्यात देवानंद रोचकरी यांना धाराशिव कोर्टाने 22 डिसेंबर 2015 रोजी कलम 332 साठी 1 वर्षाची शिक्षा व 10 हजारांचा दंड तर कलमं 504 साठी 3 महिने शिक्षा व 5 हजार दंड ठोठावला होता तर अप्पासाहेब हरिभाऊ रोचकरी व सुनील उर्फ पिटू संभाजी रोचकरी यांना 15 हजार दंड ठोठावला होता, तो निकाल उच्च न्यायालयाने कायम ठेवला. जानेवारी 2016 मध्ये छत्रपती संभाजीनगर उच्च न्यायालयात शिक्षेविरोधात अपील केले होते
राजकीय गटबाजी व द्वेषातुन हा गुन्हा नोंद केला असुन अनेक साक्षी, पुरावे व प्रत्यक्षदर्शी व पंच यांचे जबाब एकमेकांशी जुळत नसुन त्यात ताफावत आहे, पुरावे विश्वाहार्य नाहीत, अशी बाजु रोचकरी यांच्या वकिलांनी कोर्टात मांडली. योग्य पुरावे असुन वैद्यकीय पुरावे त्याला जुळत आहेत, त्यामुळे अपील फेटाळावे अशी विनंती सरकारी वकिलांनी केली. जावळे व डॉ मुस्तफा पल्ला यांची साक्ष व वैद्यकीय पुरावे महत्वाचे ठरले. देवानंद रोचकरी यांची गुन्ह्याची जंत्री मोठी असुन त्याचा उल्लेख कोर्टाने केला आहे. हद्दपारीसह गुन्हे नोंद असुन दहशतीचा इतिहास आहे.
धाराशिव येथील तत्कालीन विशेष न्यायाधीश एस आय पठाण यांनी दिलेला निकाल योग्य असुन तो कोर्टाने कायम ठेवत अपील फेटाळून लावले आहे. देवानंद रोचकरी यांच्या विरोधात दोषसिद्धी झाल्याने शिक्षा भोगण्यासाठी वॉरंट काढले आहे. देवानंद रोचकरी यांच्या वतीने ज्येष्ठ विधीज्ञ ऍड पी आर कटनेश्वरकर यांनी, सुनील रोचकरी यांच्या वतीने ऍड एस व्ही नातु तर सरकारी पक्षाच्या वतीने सरकारी वकील ऍड एस बी जाधव यांनी सक्षमपणे बाजु मांडली.
