धाराशिव – समय सारथी
जागतिक पुस्तक दिनाचे औचित्य साधून वाचन संस्कृती जपत सामाजिक बांधिलकीतुन बालरोगतज्ज्ञ संघटनेकडुन 300 पुस्तके भेट देण्यात आली. जिल्हा वैद्यकीय महाविद्यालयाकडून करण्यात आलेल्या आवाहनाला प्रतिसाद देत अखिल भारतीय बालरोग तज्ज्ञ संघटनेने ही पुस्तके अधिष्ठाता डॉ शैलेंद्र चव्हाण यांना सुपूर्त करण्यात आली.
यावेळी संघटनेचे अध्यक्ष डॉ दत्तात्रय खुणे, सचिव डॉ नितीन भोसले, डॉ अभय शहापूरकर, डॉ संजय सोनटक्के, डॉ श्रीनिवास हंबिरे, डॉ अभिजीत बागल आणि डॉ अक्षय देशमुख उपस्थित होते. सर्व मान्यवरांनी या उपक्रमामागील सामाजिक जाणीव आणि शैक्षणिक बांधिलकी अधोरेखित केली.
बालरोग विभागातील डॉ मनोज घोगरे, डॉ शाम चौधरी आणि डॉ निलोफर भोरी यांनी ही पुस्तके स्वीकारली व विद्यार्थ्यांच्या शैक्षणिक प्रगतीसाठी त्याचा निश्चितच उपयोग होईल, असे सांगितले. अखिल भारतीय बालरोग तज्ज्ञ संघटना, धाराशिव शाखा भविष्यातही अशा प्रकारचे सामाजिक व शैक्षणिक उपक्रम राबविण्यास कटिबद्ध असल्याचे यावेळी नमूद करण्यात आले.
