धाराशिव – समय सारथी
बार्शी येथील ड्रग्ज तस्करी प्रकरणात सोलापूर पोलिसांनी आणखी 3 जणांना अटक केली असुन 2 आरोपी परंडा येथील आहेत. आजवर बार्शी येथील ड्रग्ज तस्करीच्या गुन्ह्यात 6 आरोपीना अटक केली असुन त्यातील 4 जन परंडा येथील आहेत तर 2 जन बार्शी येथील आहेत. सोलापूर ग्रामीणचे पोलीस अधीक्षक अतुल कुलकर्णी हे स्वतः या ड्रग्ज तस्करीवर लक्ष ठेवुन आहेत. धाराशिव येथील स्थानिक गुन्हे शाखा व पोलीस हे सुद्धा या गुन्ह्यात लक्ष घालुन आहेत. तुळजापूर प्रमाणेच परंडा येथे ड्रग्ज तस्करीचे जाळे खोलवर रुजले असुन त्यांना पाठबळ कोणाचे हा प्रश्न आहे. परंडा येथील काही गुन्हेगार यांना राजकीय पाठबळ मिळत असल्याने ड्रग्ज इथे वाढले आहे.
बार्शी येथील ड्रग्ज तस्करीतील 3 आरोपीना कोर्टाने पोलिस कोठडी सुनावली आहे, आरोपी असद हसन देहलुज (वय 37, रा. पल्ला गल्ली, परांडा), मेहफुज महंमद शेख (वय 19, रा. बावची, परांडा) आण सिरफराज उर्फ गोल्डी अस्लम शेख (वय 32 रा.काझी गल्ली, बार्शी) यांना 20 ग्रॅम वजनाचे 10 पुड्यासह पोलिसांनी 18 एप्रिल रोजी अटक केली होती. असद देहलूजकडे 9.19 ग्रॅम ड्रग्ज 5 पुड्या व पिस्टल, मेहफुज शेख कडे 5.73 ग्रॅम ड्रग्ज 2 पुड्या व सरफराज उर्फ गोल्डी कडे 5.12 ग्रॅम 3 पुड्या असे 20 ग्रॅम ड्रग्ज जप्त केले.
ड्रग्ज कुठून आणले होते व कोणाला दिले जाणार होते, पुरवठादार कोण? गावठी पिस्टल कोणाकडुन आणले त्याचा वापर इतर गुन्ह्यात झाला का? आरोपीचे मोबाईल, कॉल डिटेल, सोशल मीडिया यासह अन्य बाबी तपास, अमली पदार्थ व शस्त्र विक्रीचा व्यवहार, इतर साथीदार याचा तपास करण्यासाठी पोलिसांनी 5 दिवसांची पोलिस कोठडी मागितली त्यानुसार ती देण्यात आली. पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर, उपविभागीय पोलीस अधिकारी जालिंदर नाकुल व पोलीस निरीक्षक बालाजी कुकडे यांच्या मार्गदर्शनाखाली पोलीस उपनिरीक्षक उमाकांत कुंजीर व त्यांच्या पथकाने ही कारवाई केली.
