धाराशिव – समय सारथी
तुळजापूर ड्रग्ज तस्करी रॅकेट हे सेवन, व्यसन, आर्थिक फायद्यापुरते मर्यादित न राहता सेक्स व सामूहिक लैंगिक अत्याचारापर्यंत गेले आहे. एका महिलेला आरोपीनी सुरुवातीला ड्रग्जचे व्यसन लावले व त्यानंतर तिला ड्रग्जच्या बदल्यात अनेक पुरुषांसोबत शारीरिक संबंध ठेवायला भाग पाडले. जवळपास 10 ते 15 जणांनी या महिलेवर वेळीवेळी ड्रग्ज देऊन लैंगिक अत्याचार केले, महिलेने याचा गौप्यस्फ़ोट करीत तिची ‘आपबिती’ पोलिसांना सांगितली आहे, त्यानुसार पोलीस तपास करीत आहेत. या सामूहिक सेक्स कांडात कोण कोण सहभागी याबाबत अनेक तर्कवितर्क लावले जात असुन अंदाज बांधत चर्चेला उधाण आले आहे. या महिलेसारख्या अनेक महिला पिडीत असल्याचे बोलले जात आहे. ड्रग्जनंतर सेक्स कांड उघड करणे हे पोलिसांचे मोठे यश आहे.
सेक्स करण्यासाठी व लैंगिक क्षमता वाढवीण्यासाठी तुळजापुरात ड्रग्जचा सर्रास वापर झाल्याचे समोर आले आहे. एका महिलेला ड्रग्ज देऊन तिला सुरुवातीला व्यसन लावले गेले व त्यानंतर तिला ड्रग्ज देत अनेक पुरुषांसोबत संबंध ठेवायला लावले, एकंदरीत यांनी ड्रग्ज व सेक्सचा बाजार मांडला होता. ड्रग्जचे व्यसन लावुन ड्रग्जच्या बदल्यात सेक्स अशी अट ठेवुन तीचे लैंगिक शोषण केल्याचा प्रकार समोर आले आहे. ड्रग्ज तस्करी सोबत आता लैंगिक शोषण व अत्याचार अश्या रॅकेट व कांडाचा स्वतंत्र तपास होणे गरजेचे आहे. ड्रग्ज तस्करीत 35 आरोपी असुन त्यातील 21 जण फरार आहेत, आणखी आरोपी वाढू शकतात.
पोलिस अधीक्षक संजय जाधव व अपर पोलीस अधीक्षक शफकत आमना मॅडम, तत्कालीन अपर पोलिस अधीक्षक गौहर हसन, उपविभागीय अधिकारी डॉ निलेश देशमुख हे स्वतः यावर लक्ष ठेवुन आहेत. जिल्हा सरकारी वकील ऍड महेंद्र देशमुख हे सरकारच्या वतीने कोर्टात सक्षम बाजु मांडत आहेत. तामलवाडी पोलिस निरीक्षक गोकुळ ठाकुर हे तपास करीत आहेत. या सर्व टीमच्या तपासामुळे ड्रग्ज व सेक्स रॅकेटचा भांडाफोड झाला.ड्रग्ज तस्करीत पोलिसांनी 3 वेळेस पोलिसांनी ड्रग्ज जप्त केले, त्यात 63 ग्रॅम वजनाच्या 89 पुड्या होत्या.
माजी नगराध्यक्ष चंद्रकांत उर्फ बापु कणे, विनोद उर्फ पिटू विलास गंगणे, माजी सभापती शरद जमदडे,तस्कर इंद्रजीतसिंग उर्फ मिटू रणजीतसिंह ठाकुर,प्रसाद उर्फ गोटन कदम परमेश्वर, उदय शेटे, आबासाहेब गणराज पवार, अलोक शिंदे,अभिजीत गव्हाड, मुंबई येथील संतोष खोत व तुळजापूर येथील स्वराज उर्फ पिनू तेलंग, विनायक इंगळे,शाम भोसले,संदीप टोले,जगदीश पाटील,विशाल सोंजी, अभिजीत अमृतराव,दुर्गेश पवार,रणजित पाटील,नाना खुराडे व सोलापुर जिल्ह्यातील उपळाई येथील अर्जुन हजारे हे सर्व 21 आरोपी फरार असुन पोलिस त्यांचा शोध घेत आहेत.
पोलीस कोठडीतील 4 आरोपी असुन त्यात पुणे येथील सुल्तान उर्फ टिपू शेख व सोलापूर येथील जीवन साळुंके (5 एप्रिल पर्यंत) व राहुल कदम – परमेश्वर (7 एप्रिल पर्यंत) व गजानन हंगरकर (8 एप्रिल पर्यंत) पोलिस कोठडीत आहेत. धाराशिव कारागृहात 10 आरोपी असुन त्यात अमित उर्फ चिमू आरगडे,युवराज दळवी, संदीप राठोड, संगीता गोळे, संतोष खोत, विश्वनाथ उर्फ पिंटू मुळे, सयाजी चव्हाण, सुमित शिंदे, ऋतूराज गाडे, संकेत शिंदे यांचा समावेश आहे.
तुळजापूर येथील अमित उर्फ चिमू अशोकराव आरगडे व युवराज देविदास दळवी आणि नळदुर्ग येथील संदीप संजय राठोड या 3 आरोपीना 45 ग्रॅम ड्रग्ज असलेल्या 59 पुड्या ड्रग्जसह 14 फेब्रुवारीला तामलवाडी येथे रंगेहात अटक करण्यात आली. त्यानंतर या 3 आरोपीना ड्रग्ज पुरवठा करणारी मुंबई महिला तस्कर संगीता गोळेला 22 फेब्रुवारी अटक केली तीच्या एका बँकेच्या खात्यावर 5 कोटी व घरातुन पाव किलो सोने जप्त केले. संतोष खोतला 27 फेब्रुवारी,तुळजापूर तालुक्यातील सराटी येथील विश्वनाथ उर्फ पिंटू मुळे याला 28 फेब्रुवारीला अटक करण्यात आली. सोलापूरहुन ड्रग्ज खरेदी करणारे सयाजी चव्हाण, सुमित शिंदे, ऋतूराज गाडे व संकेत शिंदे या 4 जणांना 18 ग्रॅम ड्रग्ज असलेल्या 30 पुड्या ड्रग्जसह 4 मार्च रोजी अटक करण्यात आली. पुणे येथील सुल्तान उर्फ टिपू शेख व सोलापूर येथील जीवन साळुंके या दोघांना 23 मार्चला, राहुल कदम-परमेश्वर याला 24 मार्चला अटक केली त्या दिवशी 4 गोपनीय व नवीन 6 अशी 10 जणांची नावे उघड केली. गजानन हंगरकर याला 25 मार्चला अटक केली त्यानंतर पोलिसांनी कोर्टात 26 मार्चला नवीन 10 आरोपींची नावे जाहीर केली.
पालकमंत्री प्रतापराव सरनाईक यांनी बैठक घेत कारवाईचे आदेश दिले. खासदार ओमराजे निंबाळकर, आमदार कैलास पाटील यांनी ड्रग्ज प्रकरणी संसद, विधीमंडळात आवाज उठवला. आमदार राणाजगजीतसिंह पाटील यांनी 3 वेळेस ड्रग्ज तस्करीबाबत लागणारी माहिती, टीप पोलिसांना दिली त्यामुळे तुळजापुरात वाढत असलेल्या ड्रग्ज रॅकेटचा भांडाफोड झाला. काही राजकीय पक्षाशी व व्यक्तीशी संबंधित आरोपी असले तरी ते उघड झाल्याने ड्रग्ज तस्करीची कीड नष्ट होईल अशी आशा आहे.
