धाराशिव – समय सारथी
तुळजापूर येथील ड्रग्ज तस्करीत पोलिसांना आजवर मोठे यश आले असुन यात 12 जणांना आरोपी करण्यात आले आहे. 12 पैकी 6 आरोपी अटकेत असुन 6 जण फरार आहेत, त्यातील पिनू तेलंग व वैभव गोळे यांची नावे समोर आली असुन 4 आरोपींची नावे गोपनीय आहेत. ते 4 जण कोण हे लवकरच समोर येणार असुन पोलिसांनी त्यांची नावे कोर्टात सांगितली आहेत. तपासात ड्रग्ज तस्करीचा उलघडा होत असुन आणखी आरोपी वाढण्याची शक्यता आहे. ड्रगज पेडलर व ड्रग्जचे सेवन करणारे पोलिसांच्या रडारवर असुन सेवन करणाऱ्याच्या माध्यमातून ड्रग्ज पेडलर, तस्कर हाती लागतात का ? याचा तपास सुरु आहे. विश्वनाथ उर्फ पिंटू मुळे हा ड्रग्ज तस्करीचा एक दुवा असुन त्याने तुळजापूर येथील अनेकांना ड्रग्जच्या सेवनाला नादी लावले आहे. ड्रग्ज तस्करावर ‘विशाल’ ‘छत्र’ असलेल्याचा शोध सुरु असुन तो कोर्टात आरोपीना हजर करताना आसपास घुटमळत आहे.
तुळजापूर येथील अमित उर्फ चिमू अशोकराव आरगडे व युवराज देविदास दळवी आणि नळदुर्ग येथील संदीप संजय राठोड या 3 आरोपीना प्रथम ड्रग्जसह तामलवाडी येथे रंगेहात अटक करण्यात आली. त्यानंतर या 3 आरोपीना ड्रग्ज पुरवठा करणारी मुंबई येथील महिला तस्कर संगीता गोळे, स्वराज उर्फ पिनू तेलंग व वैभव गोळे, मुंबई येथील संतोष खोत,तुळजापूर तालुक्यातील सराटी येथील विश्वनाथ उर्फ पिंटू मुळे यांना आरोपी करण्यात आले. स्वराज उर्फ पिनू तेलंग व वैभव गोळे हे 2 आरोपी फरार आहेत तर 6 आरोपीना अटक केली आहे व 4 नावे गोपनीय आहेत. पोलिस अधीक्षक संजय जाधव व अपर पोलीस अधीक्षक गौहर हसन, उपविभागीय अधिकारी डॉ निलेश देशमुख हे स्वतः यावर लक्ष ठेवुन आहेत त्यामुळे पोलिसांना अपेक्षित यश मिळत आहे. जिल्हा सरकारी वकील ऍड महेंद्र देशमुख हे सरकारच्या वतीने कोर्टात सक्षम बाजु मांडत आहेत. तपास अधिकारी पोलिस निरीक्षक गोकुळ ठाकुर हे तपास करीत आहेत. पोलीस अधीक्षक जाधव यांचा अनुभव व नेटवर्क यामुळे ड्रग्ज तस्करी पहिल्यांदा रेकॉर्डवर आली असुन आरोपीची साखळी उघड होत आहे.
