परंडा – समय सारथी
राज्याचे सार्वजनिक आरोग्य व कुटुंब कल्याण मंत्री तथा धाराशिव जिल्ह्याचे पालकमंत्री डॉ तानाजीराव सावंत यांच्या हस्ते डॉ राहुल घुले यांच्या महत्वाच्या मानल्या जाणाऱ्या सदस्यांनी शिवसेनेत जाहीर प्रवेश केला. घुले हे रासपकडुन भुम परंडा निवडणूक लढवीत आहेत त्यांना हा मोठा धक्का मानला जात आहे. प्रवेश घेतलेल्या कार्यकर्ते यांनी घुले यांची आरोग्यदूत अशी ओळख निर्माण केली होती.
डॉ तानाजीराव सावंत यांच्या विकासात्मक दृष्टीकोनावर प्रेरित होऊन व मान सन्मानाने दिली जाणारी वागणूक व केला जाणारा आदर या गोष्टींचा विचार करून हा प्रवेश केला असल्याचे सर्व सदस्यांनी सांगितले.यावेळी महिला आघाडी जिल्हा प्रमुख सौ.अर्चनाताई दराडे यांच्या प्रमुख उपस्थितीत नितीन गुंजाळ,हरीश गाढवे,शाम पालके, मनीषा चौधरी यांच्यासह अन्य मान्यवरांचे साहेबांच्या हस्ते प्रवेश झाले.
