धाराशिव – समय सारथी
मराठा संघर्ष योद्धा मनोज दादा जरांगे पाटील यांच्या वाढदिवसानिमित्त 1 ऑगस्ट रोजी धाराशिव जिल्ह्यात भरगच्च कार्यक्रमाचे आयोजन करण्यात आले आहे. सकल मराठा समाजाच्या वतीने या कार्यक्रमांचे आयोजन केले आहे. सकाळी 8 वाजता तुळजाभवानी मंदिरात महाआरती व अभिषेक होणार आहे. सकाळी 10 वाजता लोकशाहीर अण्णाभाऊ साठे यांच्या जयंती निमित्ताने पुतळ्यास पुष्पहार, 10.30 वाजता हजरत ख्वाजा शमशोद्दीन गाझी यांच्या दर्गाह येथे चादर चढविणे. 11.30 वाजता शालेय साहित्य वाटप, छत्रपती शिवाजी महाराज चौक येथे 12.30 वाजता वृक्षारोपण व वृक्ष वाटप, दुपारी 1 वाजता येडशी येथील रामलिंग मंदिरात महाअभिषेक, सायंकाळी 5 वाजता खेड या गावात रक्तदान शिबीर आयोजित करण्यात आले आहे.
