धाराशिव – समय सारथी
धाराशिव शहरातील गांधी नगर, निकेतन कॉलनी परिसरात 8 ते 10 सशस्त्र दरोडेखोर यांनी धुमाकुळ घातलेला असतानाच आता याच गांधीनगर भागात एक महिलेच्या गळ्यातील मंगळसुत्र चोरीचा प्रकार समोर आला आहे. चोरीची घटना सीसीटीव्हीमध्ये कैद झाली असुन चालत्या गाडीवरून मंगळसुत्र चोरण्यात आल्याने या भागात दहशत निर्माण झाली आहे. ही घटना 9 जुलै रोजी घडली आहे.
साधना धाबेकर ह्या गांधीनगर येथून लग्नासाठी स्कुटीवरून जात असताना एक चोरटा दुचाकीवर आला व चालत्या गाडीवरून त्यांच्या गळ्यातील 20 ग्राम/ 2 तोळ्याचे मंगळसुत्र चोरट्याने चोरून नेले होते, हा चोरटा सिसीटीव्हीमध्ये कैद झाला असुन पोलिसांना त्याला पकडण्यात अद्याप यश आलेले नाही. साधना अभिजीत धाबेकर यांनी दिलेल्या तक्रारीवरून भारतीय न्याय संहिता कलम 309(4) नुसार गुन्हा नोंद करण्यात आला आहे.
