धाराशिव – समय सारथी
धाराशिव येथील स्थानिक गुन्हे शाखेच्या पथकाने धाराशिव येथील निसर्ग गारवा लॉजवर छापा मारून अनैतिक देहव्यापार करणाऱ्या रॅकेटचा भांडाफोड केला असुन 4 महिलांची सुटका केली आहे.दलालासह लॉजचालक व मॅनेजरवर गुन्हा दाखल करण्यात आला आहे. लॉज मालक नितीन रोहीदास शेरखाने, लॉज मॅनेजर दिलीप रामदास आडसुळे व दलाल बालाजी चंद्रकांत गवळी यांचेविरुध्द गुन्हा नोंद करण्यात आला.
पोलीस अधीक्षक अतुल कुलकर्णी यांच्या मार्गदर्शनाखाली स्थानिक गुन्हे शाखेचे पोलीस निरीक्षक वासुदेव मोरे यांच्या पथकाने जिल्हातील अवैध धंद्यांविषयी माहिती काढुन कायदेशीर कारवाई करण्यासाठी गस्तीस होते. गस्ती दरम्यान पथकास गुप्त बातमीदारामार्फत माहिती मिळाली की, धाराशिव शहरात तुळजापूर ते धाराशिव नॅशनल हायवेच्या रस्त्यालगत असलेल्या ‘निसर्ग गारवा लॉज’ येथे लॉज चालक- व्यवस्थापक हॉटेलमध्ये काही महिलांद्वारे वेश्या व्यवसाय करवुन घेत आहेत. यावर पथकाने एका बनावट ग्राहकास तेथे पाठवून बातमीची खात्री करुन लॉजवर छापा टाकला.
लॉजमध्ये चार महिला आढळुन आल्याने महिला पोलीसांमार्फत त्यांची विचारपुस केली असता हॉटेल चालक दिलीप रामदास आडसुळे यांनी दलाल बालाजी चंद्रकांत गवळी यांनी माहिती दिली. लॉजचे मालक नितीन रेाहीदास शेरखाने यांचे सांगण्यावरुन त्या महिलांना वाणिज्यिक प्रयोजनाकरीता आश्रय देउन त्यांना लैंगीक स्वैराचाराकरीता परावृत्त करत होते व तिघेजण त्यावर स्वत:ची उपजिवीका करत आहेत असे समजले.
मोबाईल फोन,नोंदीचे रजिस्टर,ॲटोरिक्षा क्र एमएच 09 जे 8134, रोख रक्कम 16,130 व निरोधची पाकीटे असा एकुण 71,130 रुपये माल हस्तगत केला. पोलीसांनी संबंधीत वेश्या व्यवसाय करणाऱ्या लॉजवरील त्या महिलांची सुटका करुन लॉजमालक नितीन रेाहीदास शेरखाने, लॉज मॅनेजर दिलीप रामदास आडसुळे,रा. करंजकर हॉस्पीटल जवळ धाराशिव, दलाल बालाजी चंद्रकांत गवळी, वय 29 वर्षे, रा. लहुजी नगर नागनाथ रोड धाराशिव, यांचेविरुध्द गुरनं 352/2023 भा.दं.वि. सं. कलम- 370, 370 (अ) (2), 34 सह मानवी अनैतिक व्यवसाय प्रतिबंधक अधिनियम कलम 3, 4, 5 अन्वये धाराशिव ग्रामीण पोलीस ठाण्यात गुन्हा नोंदवला आहे.
सदरची कामगिरी पोलीस अधीक्षक अतुल कुलकर्णी व अपर पोलीस अधीक्षक गौहर हसन यांच्या आदेशावरुन व मार्गदर्शनाखाली स्थानिक गुन्हे शाखेचे पोलीस निरीक्षक वासुदेव मोरे, पोलीस हवालदार अश्विनकुमार जाधव, दिलीप जगदाळे, हुसेन सय्यद, समाधान वाघमारे, शोभा बांगर, शैला टेळे, पोलीस अमंलदार साईनाथ आशमोड, योगेश कोळी, रंजना होळकर, चालक पोलीस अमंलदार भोसले, अरब यांच्या पथकाने केली.
