धाराशिव – समय सारथी
धाराशिव जिल्ह्यात मोठ्या प्रमाणात पाऊस पडत असल्याने भुम परंडा वाशी या भागात पुन्हा एकदा पुरस्तिथी निर्माण झाली आहे. हवामान खात्याने ऑरेंज अलर्ट जारी केला असुन गेल्या 4 ते 5 तासापासुन सततधार पाऊस सुरु आहे. सीना कोळेगाव धरणातून 39 हजार क्युसेकने पाण्याचा विसर्ग सुरू करण्यात आला असुन सीना नदी काठच्या गावांना व नागरिकांना सतर्कतेचा इशारा दिला आहे.
इनगोदा वाटेफळ रोड पुलावरून पाणी वाहत असल्यामुळे बंद झाला आहे तर रत्नापूर-खंडेश्वरवाडी पालखी मार्गा पुलावर 5-6 फूट पाणी असल्याने वाहतूक ठप्प झाली आहे. ऑरेंज अलर्टमुळे जिल्ह्यातील सर्व माध्यमातील शाळांना सुट्टी जाहीर केली आहे. मुरूम बेळंब रस्ता, पळसप तेर रस्ता बंद आहे.
सिना कोळेगाव धारणाच्या पाणलोट क्षेत्रात मुसळधार पाऊस चालू असल्याने सिना कोळेगाव धरणातून 26 सप्टेंबर रोजी 35 हजार 100 क्युसेकने सुरू असलेला विसर्ग रात्री 8.30 वाजता वाढ करून 39 हजार 535 क्युसेक एवढा करण्यात येणार आहे. सिना नदीच्या दोन्ही तिरावरील शेतकरी, नागरिक या सर्वांनी याबाबत सावधानता बाळगावी.पा ण्याची आवक व पावसाचे प्रमाण लक्षात घेता नदीपात्रातील विसर्गात वाढ/कमी होण्याची शक्यता आहे असे कार्यकारी अभियंता, सिना कोळेगाव प्रकल्प विभाग यांनी कळविले आहे.
चांदणी धरणाच्या पाणलोट क्षेत्रात पाऊस सुरू असल्याने चांदणी धरणाचे एकूण 28 स्वयंचलित गेट पैकी सद्यस्थितीत 7 स्वयंचलित गेट चालू असून 4 हजार 347 क्यूसेकसंने चांदणी नदीपात्रात विसर्ग चालू आहे. चांदणी धरणात येणारा येवा विचारात घेता अजून गेट उघडण्याची शक्यता आहे तसेच धरणा मधून होणारा विसर्ग मध्ये वाढ होण्याची शक्यता आहे.
खासापुरी धरणाच्या सांडव्यावरून 1 हजार 730 क्यूसेक्सने विसर्ग नदीपात्रात चालू आहे. धरणामध्ये येणाऱ्या पाण्याची आवक पाहता धरणाच्या सांडव्यावरून होणाऱ्या विसर्ग मध्ये वाढ होण्याची शक्यता आहे. चांदणी व उल्फा नदीच्या दोन्ही तिरावरील शेतकरी व नागरिक या सर्वांनी याबाबत सावधानता बाळगावी असे आवाहन केले आहे.
