वाशी तालुक्यात कोरोनाचा कहर – आज सापडलेल्या 9 पैकी 6 जण वाशीचे
उस्मानाबाद – समय सारथी
उस्मानाबाद जिल्ह्यातील वाशी तालुक्यात कोरोनाने कहर केला असुन रविवारी कोरोनाचे जिल्ह्यात 9 रुग्ण सापडले त्यापैकी 6 रुग्ण एकट्या वाशी तालुक्यातील आहेत. जिल्ह्यात सध्या 33 रुग्ण उपचाराखाली आहेत.
रवीवारी उस्मानाबाद जिल्ह्यात कोरोनाचे 9 नवीन रुग्ण सापडले. जिल्ह्यात रवीवारी 1 हजार 121 जणांची कोरोना तपासणी करण्यात आली मात्र त्यापैकी 9 जण कोरोना पॉझिटिव्ह सापडले आहेत, हा दर 0.80 टक्के आहे. 9 पॉझिटिव्ह रुग्णपैकी 6 रुग्ण वाशी तालुक्यातील असून सटवाईवाडी व दसमेगावात एक रुग्ण, वाशी शहरात 4, कळंब तालुक्यात 2 तर उस्मानाबाद तालुक्यात एक रुग्ण सापडला.
उस्मानाबाद जिल्ह्यात आजवर 65 हजार 608 रुग्ण उपचारानंतर बरे झाले असून बरे होण्याचे प्रमाण 96.90 टक्के आहे तर 67 हजार 717 पैकी 1 हजार 505 रुग्णांचा कोरोनाने मृत्यू झाला आहे त्यामुळे मृत्यूचे प्रमाण हे 2.22 टक्के इतके आहे. उस्मानाबाद जिल्ह्यात 1505 मृत्यू तर 360 मृत्यू हे जिल्ह्याबाहेर उपचार घेत असताना झाले आहेत. 107 जणांचा मृत्यू हा दुर्धर आजार असल्याने झाला आहे तर पोस्ट कोविडमुळे 108 रुग्णांचा मृत्यू झाला. नागरिकांनी प्रतिबंधात्मक उपाययोजना व नियमांचे पालन करणे गरजेचे आहे.
