तुळजाभवानी मंदिराच्या धार्मिक व्यवस्थापकपदी नागेश शितोळे
तुळजापूर – समय सारथी
महाराष्ट्राची कुलस्वामिनी आई तुळजाभवानी मातेच्या धार्मिक व्यवस्थापकाचा पदभार नागेश शितोळे यांना देण्यात आला आहे. जनसंपर्क अधिकारी असलेल्या शितोळे यांना हा पदभार दिल्याने मंदिरात अनेक सुधारणा होण्यास मदत होणार आहे. त्यांचे जनसंपर्क व व्यवस्थापन कौशल्य चांगले होते.
तुळजाभवानी मंदिर संस्थानच्या आस्थापनेवर नागेश यशवंत शितोळे हे सन 2007 पासून कार्यरत असून त्यांनी मंदिर संस्थानातील विविध विभागांमध्ये कार्यालयीन कामकाज केले आहे. सध्या त्यांच्याकडे सहाय्यक जनसंपर्क अधिकारी या पदाचा कार्यभार होता.या काळात भाविक भक्त यांच्याशी योग्य प्रकारे समनव्य साधला. जिल्हाधिकारी उस्मानाबाद तथा अध्यक्ष श्री तुळजाभवानी मंदिर संस्थान तुळजापुर यांच्या आदेशानुसार सहाय्यक व्यवस्थापक धार्मिक या पदाचा कार्यभार त्यांच्याकडे देण्यात आलेला आहे. त्यांच्याकडे ही नवीन जबाबदारी व पदभार आल्याने त्यांचे अनेकांनी अभिनंदन केले. आगामी काळात ते मंदिर संस्थांनच्या विकास कार्यात सहभागी राहतील.
