धाराशिव – समय सारथी
महाराष्ट्राची कुलस्वामिनी आई तुळजाभवानी मातेचे सशुल्क स्पेशल दर्शन पास आता मोबाईलवर काढता येणार असुन यासाठी तुळजाभवानी मंदीर संस्थाने एक ऍप तयार केले आहे. तुळजाभवानी मंदीर संस्थानचे अध्यक्ष तथा जिल्हाधिकारी डॉ सचिन ओम्बासे यांनी भाविकांच्या सोयीसाठी हा निर्णय घेतला आहे, यामुळे घरबसल्या सशुल्क पास 500 रुपये देणगी देऊन काढता येणार आहे.
सशुल्क स्पेशल दर्शन पास हे मंदीर संस्थानच्या प्रशासकीय इमारतीत ऑफलाईन पद्धतीने थेट जाऊन काढता येणार आहे त्याचं बरोबर आता ही सुविधा ऑनलाईन देखील उपलब्ध असणार आहे. 22 जुलै सोमवार पासुन ऑनलाईन सुविधा मोबाईल ऍपवर सुरु होणार आहे. Shri Tuljabhavani temple trust हे ऍप मंदीर संस्थानच्या www.shrituljabhwanitempletrust.org या वेबसाईट व https://play.Google.com/Store/tuljapur या प्ले स्टोर लिंकवर उपलब्ध असणार आहे.याबाबतचे पत्र मंदीर तहसीलदार तथा व्यवस्थापक सोमनाथ वाडकर-माळी यांनी काढले आहे.
