खांदेपालट – धाराशिव जिल्हा पोलीस दलातील 29 अधिकारी यांच्या बदल्या
धाराशिव – समय सारथी
धाराशिव जिल्हा पोलीस दलातील पोलीस निरीक्षक, सहायक पोलीस निरीक्षक यांच्या बदल्या करण्यात आल्या असुन जिल्ह्यातील 29 अधिकारी यांची बदली केली आहे. पोलीस अधीक्षक यांनी बदलीचे हे आदेश दिले आहेत. पोलीस दलातील 4 पोलीस निरीक्षक , 19 सपोनि , 6 पोलीस उपनिरीक्षक यांच्या जिल्हाअंतर्गत बदल्या करण्यात आल्या आहेत.
धाराशिव ग्रामीणचे पोलीस निरीक्षक एस.एस.साबळे यांची कळंबला तर कळंबचे पोलीस निरीक्षक आर. एस. गायकवाड यांची धाराशिव ग्रामीणला बदली करण्यात आली आहे. येरमाळ्याचे सपोनि डी. एस. गोरे यांची धाराशिव शहरला तर कळंबचे सपोनि अतुल पाटील यांना येरमाळ्याला प्रभारी चार्ज देण्यात आला आहे.
