धाराशिव – समय सारथी
धाराशिव लोकसभा निवडणुकीसाठी मी भाजपकडून उत्सुक असुन पक्षश्रेष्टीकडे तशी इच्छा व्यक्त करीत मागणी केली असल्याची माहिती विधानपरिषदेचे माजी आमदार सुजितसिंह ठाकुर यांनी दिली. ठाकुर यांनी इच्छा व्यक्त केल्यानंतर भाजपच्या कार्यकर्त्यात नवचैतन्य निर्माण झाले आहे.
सुजितसिंह ठाकुर यांनी पंतप्रधान नरेंद्र मोदी यांच्याशी चर्चा करत असलेला फोटो फेसबुकवर पोस्ट केल्यानंतर ‘भावी खासदार’ असा उल्लेख करीत कार्यकर्ते यांनी त्या पोस्ट शेअर केल्या. ठाकुर यांनी आज धाराशिव दौरा करीत पदाधिकारी व कार्यकर्ते यांची अनौपचारीक बैठक घेत चर्चा केली व गाठीभेटी घेतल्या. जिल्हाभरातून पदाधिकारी यांनी ठाकुर यांचे स्वागत केले.जिल्हाध्यक्ष संताजी चालुक्य यांच्यासह पदाधिकारी उपस्थितीत होते.
ठाकूर यांनी मुंबई सागर बंगल्यावर जाऊन उपमुख्यमंत्री देवेंद्र फडणवीस यांची भेट घेत गणपतीचे दर्शन घेतले. फडणवीस यांच्यासोबतच अन्य नेत्यांशी भेट घेतल्यानंतर ठाकूर यांनी पंतप्रधान मोदी यांच्या सोबत फोटो पोस्ट सूचक राजकीय इशारा दिला.
