कुभेंजा गाव ठरत आहे कोरोना हॉटस्पॉट , एकाच गावात 27 रुग्ण
उस्मानाबाद – समय सारथी
उस्मानाबाद जिल्ह्यासाठी गेल्या 8 दिवसापासून धोक्याची घंटा असुन कोरोना रुग्णांची संख्या शंभरच्या आसपास कायम आहे. शुक्रवारी कोरोनाचे 99 रुग्ण सापडले असून परंडा तालुक्यातील कुंभेज येथे एकाच वेळी 9 तर वाशी तालुक्यातील इंदापूर येथे 7 रुग्ण सापडले. परंडा तालुक्यात सर्वाधिक 32 रुग्ण सापडले असून जिल्ह्यात 2 हजार 172 पैकी 99 रुग्ण पॉझिटिव्ह आल्याने पॉझिटिव्हीटी दर हा 4.55 टक्के इतका झाला आहे. जिल्ह्यात यापूर्वी 50 ते 60 च्या आसपास रुग्ण सापडत होते मात्र हा आकडा गेल्या 8 दिवसात 100 च्या जवळपास झाला असल्याने ही बाब चिंतेची आहे. उस्मानाबाद जिल्ह्यात रुग्ण संख्या पुन्हा वाढत असल्याने काळजी घेण्याची गरज आहे. आजच्या 99 पैकी 10 रुग्ण हे 18 वर्ष वयोगटाखालील आहेत.
उस्मानाबाद जिल्ह्यात कोरोनाचे 99 रुग्ण सापडले असून त्यात 55 रुग्ण हे आरटीपीसीआर चाचणीत 44 रुग्ण रॅपिड अँटीजन चाचणीत पॉझिटिव्ह आले आहेत. परंडा तालुक्यातील सर्वाधिक 32 रुग्णांचा समावेश आहे तर तुळजापूर 6, उमरगा 1, लोहारा 1, कळंब 20, वाशी 19 , भूम 10 व उस्मानाबाद तालुक्यातील 10 रुग्णांचा समावेश आहे.
कोरोना आजाराबाबत कोणतीही प्राथमिक लक्षणे सापडल्यानंतर नागरिकांनी डॉक्टरांशी संपर्क साधून योग्य तो वैद्यकीय उपचार घ्यावा तसेच लसीकरण करावे. कोरोना लाट रोखण्यासाठी नागरिकांनी मास्क वापरणे, सोशल डिस्टनस ठेवणेसह इतर नियमांचे पालन करावे असे आवाहन जिल्हाधिकारी कौस्तुभ दिवेगावकर यांनी केले आहे.
शुक्रवारी 90 रुग्ण उपचार नंतर बरे झाले असून 970 रुग्णांवर उपचार सुरू आहेत. आजवर 61 हजार 626 रुग्ण बरे झाले असून हे प्रमाण 95.47 टक्के आहे तर 60 हजार 876 रुग्णांपैकी 1 हजार 429 रुग्णांचा उपचार दरम्यान मृत्यू झाला असून मृत्यू दर हा 2.34 टक्के आहे. उस्मानाबाद जिल्ह्यात उपचार घेत असताना 1 हजार 429 रुग्णांचा मृत्यू झाला तर 318 रुग्ण हे बाहेर जिल्ह्यात उपचार घेत असताना व 101 जण पोस्ट कोविड गुंतागुंतमुळे मृत्यू झाला.
7 जुलै – 64 रुग्ण
8 जुलै – 62 रुग्ण
9 जुलै – 55 रुग्ण
10 जुलै – 58 रुग्ण
11 जुलै – 33 रुग्ण
12 जुलै – 67 रुग्ण
13 जुलै – 35 रुग्ण
14 जुलै – 61 रुग्ण
15 जुलै – 51 रुग्ण
16 जुलै – 54 रुग्ण
17 जुलै – 62 रुग्ण
18 जुलै – 57 रुग्ण
19 जुलै – 85 रुग्ण
20 जुलै – 45 रुग्ण
21 जुलै – 50 रुग्ण
22 जुलै – 60 रुग्ण
23 जुलै – 72 रुग्ण
24 जुलै – 69 रुग्ण
25 जुलै – 50 रुग्ण
26 जुलै- 83 रुग्ण
27 जुलै – 74 रुग्ण
28 जुलै – 102 रुग्ण
29 जुलै – 70 रुग्ण
30 जुलै – 72 रुग्ण
31 जुलै – 100 रुग्ण
1 ऑगस्ट – 83 रुग्ण
2 ऑगस्ट – 96 रुग्ण
3 ऑगस्ट – 105 रुग्ण
4 ऑगस्ट – 93 रुग्ण
5 ऑगस्ट – 71 रुग्ण
6 ऑगस्ट – 99 रुग्ण
