भुम – समय सारथी
महायुतीचे शिवसेनेचे अधिकृत उमेदवार प्रा डॉ तानाजीराव सावंत हे मंगळवारी भव्य रॅली काढुन उमेदवारी अर्ज भरणार आहेत. 29 ऑक्टोबर रोजी सकाळी 10 वाजता या भव्य महारॅलीला सुरुवात होणार आहे. उमेदवारी अर्ज भरण्यासाठी या ऐतिहासिक, अभूतपूर्व क्षणाचे साक्षीदार होण्यासाठी हजारोंच्या संख्येने उपस्थित राहावे असे आवाहन करण्यात आले आहे.
शासकीय दुधसंघ परांडा रोड भुम येथून महारॅलीला सुरुवातील होईल,फ्लोरा चौक,ओंकार चौक, तहसील कार्यालय, एस.टी. स्टॅन्ड गोलाई चौक, लक्ष्मी रोड, अण्णाभाऊ साठे चौक व त्यानंतर नगरपालिका समोर जाहीर सभा होईल.
पालकमंत्री डॉ तानाजीराव सावंत यांनी परंडा मतदार संघातून उमेदवारी अर्ज दाखल केल्यानंतर त्यांना वाढता पाठिंबा मिळताना दिसत आहे, शिवसेना पक्षात सावंत यांच्या हस्ते विविध पक्षातील शेकडो कार्यकर्त्यांत सहभागी होत प्रवेश करीत आहेत.या कार्यकर्ते यांनी भगवा खांद्यावर घेत शिवधनुष्य हाती घेत विजयाचा संकल्प केला आहे.
2019 च्या विधानसभा निवडणुकीत परंडा मतदार संघात पालकमंत्री तथा आरोग्यमंत्री डॉ तानाजीराव सावंत हे विक्रमी 32 हजार 902 मतांनी विजयी झाले होते त्यांनी सलग 3 टर्म आमदार राहिलेल्या राष्ट्रवादीचे राहुल मोटे यांचा पराभव केला होता. मोटे यांना 73 हजार 772 मते पडली होती तर सावंत यांना 1 लाख 6 हजार 674 मते पडली होती.
