धाराशिव – समय सारथी
तुळजापूर येथील भाजपचे नेते देवानंद रोचकरी हे शिवसेना उबाठा पक्ष प्रमुख उद्धव ठाकरे यांच्या भेटीला आले असुन त्यांची चर्चा सुरु आहे. देवानंद रोचकरी यांनी तुळजाभवानी कवड्याची माळ घालुन उद्धव ठाकरे यांचे स्वागत केले.
विरोधी पक्ष नेते अंबादास दानवे,खासदार ओमराजे निंबाळकर, आमदार कैलास पाटील हे उपस्थितीत असुन चर्चा सुरु आहे, सोबत त्यांनी त्यांचा कार्य अहवाल व मित्र मंडळ शाखेची माहिती आणली आहे. रोचकरी यांचे तुळजापूर तालुक्यात मोठे प्रस्थ असुन देवानंद रोचकरी मित्र मंडळाचे मोठे जाळे आहे. रोचकरी हे लोकसभा निवडणुकीत ओमराजे यांना मदत करण्याची शक्यता आहे. देवानंद रोचकरी यांनी आजवर 4 वेळेस तुळजापूर विधानसभा निवडणुक लढवली आहे.
