धाराशिव – समय सारथी
धाराशिव नगर परिषद निवडणुका आल्यानंतर सगळ्यांना विकासाची चिंता लागून राहिली आहे. धाराशिव शहरात एकही ठिकाणी महिला किंवा पुरुष सार्वजनिक शौचालय कार्यरत नाही. शालेय शिक्षणासाठी आलेल्या मुली व महिलांची मोठी कुचंबना होत आहे. जिल्ह्याचे ठिकाण असुण देखील सुविधा नसल्याने लज्जास्पद स्तिथी आहे. आमदार कैलास पाटील यांनी याबाबत अनेक वेळा निवेदन दिले तरी सत्ता नसल्याने त्याकडे जाणीवपूर्वक दुर्लक्ष केले जात आहे.
शहरातील व्यापारी संकुल व इतर ठिकाणी शौचालय मजुर असुन ते कागदावर सुरु आहे त्याचं बरोबर त्याच्या दुरुस्ती व देखभाल याच्या नावाखाली लाखो रुपययांचा खर्च सुरु आहे. स्टेडियम परिसरात सुरु असलेल्या व्यापारी संकुलात शौचालय आहे मात्र तिथे ते फोडून उपहार गृह व त्याचे किचन सुरु आहे.
तांबरी या भागात अनेक शाळा असुन त्या भागात रस्त्यावर एकही शौचालय सुरु नाही त्यामुळे शालेय मुली व महिलांचे हाल होत आहे, त्यांना आडोसा घ्यावा लागतं आहे. कागदावर शौचालय आरक्षण आहे मात्र ते या नेत्यांच्या बगल बच्च्यानी हडपले असुन त्याला राजकीय आशीर्वाद आहे.
एकीकडे विकासाच्या गप्पा तर दुसरीकडे आरोप यातच धाराशिव शहर गुरफटले आहे, काही मोजके सोडले तर एकही पक्षाच्या जाहीरनाम्यात याला स्थान नाही.
