धाराशिव – समय सारथी
धाराशिव शहरात नगर परिषद निवडणुकीच्या तोंडावर राजकारणाचा स्तर बिघडला असुन माजी नगरसेवक रोहित निंबाळकर यांच्यावर जीवघेणा हल्ला करण्यात आला आहे. आकाश तावडे व विजय राठोड यांच्यावर गुन्हा नोंद करण्यात आला आहे. या घटनेचे सीसीटीव्ही फुटेज व्हायरल झाले असुन स्थानिक राजकारण, स्पर्धा व आरोप प्रत्यारोपातुन हे घडले असल्याचा आरोप निंबाळकर यांनी केला आहे. राठोड व तावडे यांच्यावर कलम 118 (1), 115 (2), 54, 352, 351(2), 351(3), 3 (5), 324(4) या कलमानुसार आनंद नगर पोलिस ठाण्यात गुन्हा दाखल करण्यात आला आहे.
“मी ज्या दुकानात बसलो होतो त्या ठिकाणी विजय राठोड आला. त्याने दुकान मालकाशी वाद घालायला सुरुवात केली. मला वाटलं की, हा दुकान मालक आणि राठोड याचा वैयक्तिक वाद असेल. मात्र, त्याने माझ्यावर देखील हल्ला करत मला मारहाण सुरू केली.” माझ्यावर झालेला हल्ला हा कट आहे असं रोहित निंबाळकर म्हणाले.
