धाराशिव – समय सारथी
भुम तालुक्यातील आंद्रूड येथील यात्रेत कुस्ती स्पर्धेच्या मारहाण केल्या प्रकरणी कुख्यात डॉन असलेल्या निलेश घायवळ व पैलवान सागर मोहोळकर विरोधात वाशी पोलिसात गुन्हा नोंद करण्यात आला आहे. पैलवान सागरने कुस्तीच्या मैदानात बॉस निलेशच्या श्रीमुखात चापट मारली होती त्यानंतर पैलवान याला घायवळ याच्या समर्थकांनी यथेच्छा मारहाण केली, या दोघांनी सार्वजनिक शांततेचा भंग केल्याप्रकारणी भारतीय न्याय संहिता कलम 194 (2) नुसार गुन्हा नोंद केला आहे. मारहाणीच्या घटनेनंतर खळबळ उडली त्यानंतर पोलिसांनी पुढाकार घेत गुन्हा नोंद केला. धाराशिव जिल्ह्यात घायवळवर यापुर्वीही वाशी पोलीस ठाण्यात गुन्हा नोंद झाला होता.
पैलवान व पुणे येथील डॉन असलेल्या निलेश घायवळ ‘बॉस’मध्ये सामना रंगला, या घटनेचा काही भाग कॅमेरात कैद झाला असुन व्हिडिओ व्हायरल होत आहे. या हाणामारीचे नेमके कारण कळू शकले नाही. बॉसचा धाराशिव जिल्ह्यात वावर असुन पवनचक्की यासह अन्य विषयात हातभार आहे. एकंदरीत जुन्या वादातुन हा प्रकार झाल्याचे व ठरवून बॉसचे खच्चीकरण करण्याचा प्रयत्न असल्याचे त्यांच्या समर्थकातून बोलले जात आहे. हल्ला करणारा जामखेड येथील असल्याचे कळते पोलीस तपास सुरु आहे.
