मोदींच्या नावे जिकलात, आता भाषा अशोभनीय – घोडा मैदान जवळच, दाखवून देऊ – संताजी चालुक्य
धाराशिव – समय सारथी
भारतीय जनता पार्टीचा सामान्य कार्यकर्ताही तुम्हाला पराजीत करु शकतो. आपण विसरलात खासदार साहेब मागच्या निवडणुकीत भाजपचेच कार्यकर्ते बुथवर होते. मोदीजीच्या नावाने निवडणूक जिंकून अशी भाषा करणे शोभत नाही. घोडा मैदान जवळच आहे दुध का दुध पाणी का पाणी दाखवून देऊ असे म्हणत भाजप जिल्हाध्यक्ष संताजी चालुक्य यांनी खासदार ओमराजे निंबाळकर यांना प्रतिउत्तर दिले.
भाजप धाराशिव येथे उमेदवार द्यायला घाबरत आहे,भीती नसती तर आतापर्यंत उमेदवार कामाला लागला असता, तुमचा पैलवान तरी मैदानात उतरवा असे म्हणत शिवसेना ठाकरे गटाचे खासदार ओमराजे निंबाळकर भाजप व त्यांच्या घटक पक्षांना खुले आव्हान दिले होते त्यावर चालुक्य यांनी प्रतिक्रिया दिली.
भाजपला त्यांचा उमेदवार जाहीर करायला इतका वेळ का लागतो, याचा विचार भाजपने व त्यांच्या घटक पक्षाने करावा. मी कायम सांगत असतो तुमचा पैलवान कोण आहे ते तरी जाहीर करुन मैदानात उतरवा, जनता ठरवेल ना ? जनतेला निर्णय घेऊ द्या ? माझं काम योग्य वाटत असेल तर मला निवडून देतील नाहीतर पाडतील असे ओमराजे म्हणाले होते.
