धाराशिव – समय सारथी
महाराष्ट्राची कुलस्वामिनी आई तुळजाभवानी माता छत्रपती शिवाजी महाराज यांना भवानी तलवार देतानाचे 108 फुटी ब्रॉन्झ शिल्प अष्टभुजाच असणार आहे. भाजप आमदार राणाजगजीतसिंह पाटील व त्यांच्या टीमचे जणू काही सगळं ठरलंय याचा प्रत्यय नागरी सत्कार सोहळ्यात आला. हे शिल्प कसे असेल याचे संकेत देण्यात आले असून त्याची प्रतिकृती भेट देण्यात आली. कोण कोण विरोध करतो हे तपासण्यासाठी ही चाचणी करण्यात आल्याचे बोलले जाते लोकांच्या मनात आतापासूनच बिंबवण्यासाठी हा ‘उद्योग’ करण्यात आला आहे.
श्री तुळजाभवानी तीर्थक्षेत्र विकास आराखड्यांतर्गत तुळजापूर येथे 108 फूट उंच शिल्प उभारणीसाठी शिल्पकारांकडून मंदिर प्रशासनाने फायबरचे मॉडेल महाराष्ट्र राज्याच्या कला संचालनालयाच्या मार्गदर्शनाखाली 31 ऑगस्टपर्यंत मागविले आहे. हे शिल्प छत्रपती शिवाजी महाराजांना श्री तुळजाभवानी देवी आशीर्वाद देत असलेल्या या प्रसंगावर आधारित असणार आहे.
शिल्प मागवताना जी माहिती देण्यात त्यात तुळजाभवानी मातेच्या मुळ मूर्तिचे वर्णन देण्यात आले आहे. नवरात्र उत्सवात तुळजाभवानी मातेची भवानी तलवार अलंकार पुजा करण्यात येते, यात द्विभुजा असलेली भवानी आहे. हा सर्वमान्य असलेला देखावा भाविकाच्या मनात व डोळ्यात आहे. हा देखावा किंवा त्याची माहिती शिल्पकार यांना जाणीवपूर्व न देता त्याला बगल देत केवळ अष्टभुजा मूर्तिचे वर्णन देण्यात आहे.
तुळजाभवानी मातेची शिव भवानी तलवार मूर्ती ही अष्टभुजा असावी असे स्पष्ट मत पालकमंत्री तथा विकास आराखडा समितीचे अध्यक्ष प्रतापराव सरनाईक यांनी व्यक्त केले असले तरी आमदार तथा मंदिर विश्वस्त राणाजगजीतसिंह पाटील यांचा आग्रह व अट्टहास वेगळाच आहे. जिल्हा प्रशासन आमदार राणा यांच्या प्रेमात असून त्याप्रमाणे अंमलबजावणी सुरु आहे.
अष्टभुजा रूपातील भवानी ही भारत मातेसारखी दिसते, हवे तर आमदार राणाजगजीतसिंह पाटील यांनी स्वखर्चातुन भारत मातेचे वेगळे शिल्प करावे मात्र मूळ अलंकार पूजेची मूर्ती असावी अशी भाविक, पुजारी यांची मागणी आहे. मंत्रीपद व सत्तेच्या लालसेपोटी काही नवीन प्रयोग सुरु आहे.
