धाराशिव – समय सारथी
धाराशिव जिल्हा परिषद गट व त्या अंतर्गत येणाऱ्या पंचायत समिती गणांच्या निवडणुकीसाठी प्रारूप प्रभाग रचना अधिसूचना जिल्हाधिकारी किर्ती किरण पुजार यांनी जाहिर केली असुन जिल्हा परिषदेसाठी 55 गट अर्थात सदस्य संख्या तर जिल्ह्यातील 8 पंचायत समितीमध्ये 110 गण संख्या असणार आहे. धाराशिव जिल्ह्यातील 13 लाख 38 हजार 722 मतदारांच्या संख्येवर ही रचना करण्यात आली असुन त्यात एससी अंतर्गत 2 लाख 15 हजार 528 तर एसटी अंतर्गत 28 हजार 994 मतदार आहेत.
प्रभाग रचनेवर 21 जुलै पर्यंत हरकती व सुचना सादर करता येणार आहेत, त्यावर जिल्हाधिकारी सुनावणी घेऊन 11 ऑगस्टला निर्णय घेऊन अंतीम प्रभाग रचना 18 ऑगस्ट पर्यंत राज्य निवडणुक आयोगाकडे मान्यतेसाठी जिल्हाधिकारी सादर करतील.
धाराशिव जिल्ह्यातील धाराशिव तालुक्यात जिल्हा परिषदेच्या 12 तर पंचायत समिती अंतर्गत सर्वाधिक 24 जागा असुन तुळजापूर व उमरगा तालुक्यात जिल्हा परिषदेच्या प्रत्येकी 9 तर पंचायत समितीच्या 18 जागा, कळंब तालुक्यात जिल्हा परिषदेच्या 8 तर पंचायत समितीच्या 16 , भुम व परंडा जिल्हा परिषदेच्या प्रत्येकी 5 जागा तर पंचायत समितीच्या 10 जागा, लोहारा तालुक्यात जिल्हा परिषदेच्या 4 तर पंचायत समितीच्या 8 व वाशी तालुक्यात जिल्हा परिषदेच्या 3 तर पंचायत समितीच्या 6 जागा असतील.
जिल्हा परिषद गट –
धाराशिव तालुक्यात ढोकी, पळसप, कोंड, तेर, येडशी, आंबेजवळगा, उपळा मा, सांजा, पाडोळी, केशेगाव, बेंबळी व वडगाव सिद्धेश्वर हे 12 गट असतील. भुम तालुक्यात ईट, सुकटा, पाथरूड, वालवड, आष्टा हे गट असतील. वाशी तालुक्यात पारगाव, पारा व तेरखेडा या 3 जागा असतील. कळंब तालुक्यात इटकूर, मंगरूळ, डिकसळ, शिराढोण, नायगाव, खामसवाडी, मोहा व येरमाळा अश्या 8 जागा असतील. परंडा तालुक्यात चिंचपुर, आनाळा, जवळा नि, डोंजा व आसू हे 5 गट असतील. तुळजापूर तालुक्यात सिंदफळ, काक्रबा,जळकोट,अणदूर, मंगरूळ, काटी, काटगाव, शहापुर व नांदगाव हे 9 गट असतील. लोहारा तालुक्यातील कानेगाव, माकणी, सास्तुर व जेवळी हे 4 गट तर उमरगा तालुक्यात कवठा, बलसुर, कुन्हाळी, तुरोरी, गुंजोटी, दाळिंब, येणेगूर, आलूर व कदेर असे 9 गट असतील.
पंचायत समिती गण –
