थरार – तेर येथे चोरटे व तरूणामध्ये सिनेस्टाईल पाठलाग व दगडफेक
पोलीस तपास सुरु – चोरट्यांच्या गाडीत चटणी पावडर,काठ्या, कोयते
तेर – समय सारथी , बापू नाईकवाडी
उस्मानाबाद तालुक्यातील तेर येथे रविवारी पहाटे 2 च्या सुमारास चोरटे व तेर मधील तरूणामध्ये सिनेस्टाईल थरार झाला. दगडफेक, पाठलाग असा हा थरार जवळपास 3 तास सुरु होता त्यात अखेर तरुणांनी चोरट्यांची गाडी पकडली, या घटनेत 1 तरुण जखमी झाला. चोरट्यांच्या पीकअपमध्ये चटणी पावडर,काठ्या, कोयते अशा संशयास्पद वस्तू आढळून आल्याची माहिती प्रत्यक्षदर्शीनी दिली.
तेर ग्रामपंचायतजवळ दंडनाईक याचे आडत दुकान आहे येथे सोयाबीनने भरलेली ट्रक उभा करून ठेवला होता. 20 फेब्रुवारी रोजी रविवारी रात्री पीकअपमधून हत्यारासह आलेले चोरटे ट्रकमधील डिझेल चोरत असल्याचे ट्रकचालकाच्या लक्षात आले. ट्रकमध्ये झोपलेल्या चालकाने फोन करून गावातील काहीजणांना या घटनेची माहिती दिली.तात्काळ काही तरुण मदतीला धावले. चोरट्यांना याचा सुगावा लागताच तेथून दोघांनी पळ काढला तर चालक पिकअप घेऊन तेर बस स्थानकाकडे पळाला. पाठलाग करणारे तरूण निघून गेली असतील या हेतूने चालकानी ते पिकअप परत या आडत दुकानाकडे आला यावेळी तेथे उभा असल्या तरुणांनी पिकअप ओळखून त्याचा पाठलाग केला त्यावेळी पीक अप चालकाने संत गोरोबाकाका मंदिराकडे पळ काढला.
तरूणानी पाठलाग सुरूच ठेवला त्यानंतर चोरट्यांची पीकअप उस्मानाबादच्या दिशेने वळविले यावेळी तरूणामध्ये व चोरट्यामध्ये थरकाप उडवणारी घटना घडली व एकमेकावर दगडफेक केली.यात तेर मधील एक तरूण किरकोळ जखमी झाला असून ही सिनेस्टाईल थरार थरकाप उडवणारा होता.पाठलाग करीत तरूणानी या पीकअफला गाठले त्यामुळे हिंगळजवाडीजवळ पिकअप सोडून चालकानी पळ काढला
चोरट्यामध्ये व तरूणामध्ये थरारक घटना घडत असताना चोरट्यांनी पिकअप मधुन पाठलाग करणाऱ्या तरूणाच्या दिशेने दगडफेक केली तर पिकअप थांबण्यासाठी तरुणांनी पिकअपच्या दिशेने दगड फेकले. या दगडफेकीत पीकअपचा समोरचा काच फुटला तरीही चोरट्यांनी पिकअप थांबवले नसल्ल्याने मोटरसायकल व कारमधून पीकअपचा पाठलाग केला व तरूणांनी पीकअप पकडले.यावेळी ढोकी पोलीसांची रात्रगस्त चालू होती त्यांनी हा पीकअप ताब्यात घेऊन पोलीस ठाण्यात नेला आहे. चोरट्यांच्या गाडीत चटणी पावडर, कोयता, काठ्यासह चोरी करण्याचे साहित्य असल्याचे प्रत्यक्षदर्शीने सागीतले.
