धाराशिव – समय सारथी
महाराष्ट्राची कुलस्वामिनी आई तुळजाभवानी मातेच्या मंदिर संस्थानचा नव्याने लोगो करण्यासाठी मंदीर संस्थानने स्पर्धा ठेवली असुन आकर्षक व सुंदर अश्या लोगोला 3 लाखांचे बक्षीस मिळणार आहे. मंदीर संस्थानचे अध्यक्ष तथा जिल्हाधिकारी डॉ सचिन ओम्बासे यांनी याबाबत माहिती दिली असुन इच्छुक व्यक्तींनी 23 सप्टेंबर पर्यंत लोगोचे सादरीकरण मंदीर संस्थान कार्यालयात करायचे आहे. लोगो क्षेत्रातील जानकार,तज्ज्ञ यांनी संपर्क करावा असे आवाहन मंदीर संस्थानने केले आहे.
तुळजाभवानी मंदीर संस्थानचा लोगो तयार करण्यासाठी लोगो हा सहजरित्या समजणे आवश्यक आहे. लोगो हा आकर्षक, रंगसंगतीमध्ये सुबकता असावी,कमीत कमी जागेत स्पष्ट व आकर्षक असावा. इतर कोणत्याही लोगोशी साधर्मय व सुसंगत नसावा. तुळजाभवानी मंदिराचे ऐतिहासिक,धार्मिक, पारंपरिक रूढी, विधिचा अभ्यास करुन तो बनवावा. लोगोसोबतच तुळजाभवानी मंदिराची व्यापक प्रसिद्धी व इतर व्यवस्थाबाबत प्रस्ताव सुद्धा मागविले आहेत.
