आयपीएल मॅचवर सट्टा, रॅकेट सक्रीय – धाराशिव पोलिसांनी दाखल केला गुन्हा
धाराशिव – समय सारथी
आयपीएल मॅचवर सट्टा लावणाऱ्या टोळीचा धाराशिव पोलिसांनी पर्दाफाश केला असुन आनंद नगर पोलीस ठाण्यात गुन्हा दाखल केला आहे. शहरातील एका नामांकित हॉटेलमध्ये हा उद्योग सुरु केला होता. बुकी व इतरांवर गुन्हा नोंद केला असुन यातून मोठे रॅकेट बाहेर येऊ शकते.
मुंबईच्या दहिसर येथील चैतन्य दवे यांनी 6 मे धाराशिव शहरातील बस स्थानक जवळील हॉटेल प्रतिभा एक्झक्युटिव्ह लॉजमध्ये मुंबई इ्ंडियन्स विरुध्द चेन्नई आणि रॉयल चॅलेजर्स बेंगलोर विरुध्द डेल्ही कॅपीटल्स या दोन संघादरम्यान चालु असलेल्या क्रिकेट मॅचवर सट्टा (बेटींग) जुगार चालविला. सट्टा चालविण्या करीता नागपूर येथील आशिष नेवारे यांच्याकडून खोटे सांगून त्यांचे आधारकार्ड व सिमकार्ड घेऊन सिमकार्डचा वापर करुन फोनद्वारे व्हॉटसअपद्वारे क्रिकेट सट्टा चालवला. प्रतिभा एक्झक्युटिव्ह लॉजमध्ये राहण्याकरीता स्वताची ओळख लपविण्याचे उद्देशाने बनावट आधारकार्ड देऊन फसवणूक केली.
धाराशिव स्थानिक गुन्हे शाखेचे अंमलदार हुसेन नसीर खान सय्यद यांनी दिलेल्या प्रथम खबरेवरुन कलम 420, 468, 471 सह म.जु.का. क. 4, 5 अंतर्गत गुन्हा नोंदवला आहे.
