कोरोना वाढतोय – धाराशिव जिल्ह्यात 2 दिवसात 11 रुग्ण सापडले, उमरगा पुन्हा हॉटस्पॉट
धाराशिव – समय सारथी
धाराशिव जिल्ह्यात कोरोना रुग्णाचे प्रमाण वाढताना दिसत असुन गेल्या 2 दिवसात तब्बल 11 नवीन रुग्ण सापडले आहेत. 11 रुग्णापैकी 5 रुग्ण हे उमरगा तालुक्यातील आहेत. 29 मार्च रोजी 6 तर 28 मार्च रोजी 5 रुग्ण सापडले आहेत. 29 मार्चला 166 नमुने तपासण्यात आले त्यापैकी 6 तर 28 मार्चला 120 नमुने तपासण्यात आले त्यापैकी 5 नमुने पॉझिटिव्ह आले आहेत. धाराशिव जिल्ह्यात सध्या 21 कोरोनाचे सक्रीय रुग्ण असुन त्यांच्यावर उपचार सुरु आहेत.
पहिल्या व दुसऱ्या लाटेची सुरुवात उमरगा तालुक्यातून झाली होती, आताही चौथ्या लाटेचे संकेत दिले असताना उमरगा येथे रुग्ण सापडत असल्याने पुन्हा एकदा उमरगा हॉटस्पॉट ठरत आहे.
