भारत- ऑस्ट्रेलिया फायनलचा थरार पाहण्यासाठी क्रिकेट प्रेमींनी मोठ्या संख्येने उपस्थित राहावे – सौ.अर्चनाताई पाटील
धाराशिव – समय सारथी
क्रिकेट प्रेमींसाठी आनंदाची बातमी असुन वर्ल्ड कप फायनल मॅच मोठ्या स्क्रीनवर लाईव्ह पाहता येणार असुन लेडीज क्लबकडुन आयोजन करण्यात आले आहे.भारत- ऑस्ट्रेलिया फायनलचा थरार पाहण्यासाठी क्रिकेट प्रेमींनी मोठ्या संख्येने उपस्थित राहावे असे आवाहन अध्यक्षा सौ.अर्चनाताई पाटील यांनी केले आहे.
दक्षिण आफ्रिकेच्या कडव्या झुंजीनंतर ऑस्ट्रेलियाने आफ्रिकेला पराभूत करत आठव्यांदा अंतिम फेरी गाठली आहे. दरम्यान हा सामना 19 नोव्हेंबर रोजी अहमदाबादच्या नरेंद्र मोदी स्टेडियमवर भारत विरुद्ध ऑस्ट्रेलिया हा हाय होल्टेज सामना होणार आहे. जगभरातून दिग्गजांची उपस्थिती राहणार आहे.हा सामना आपल्याला स्टेडियम मध्ये बसून पाहिल्यासारखा वाटावा तसेच हा क्रिकेट सामना अविस्मरणीय व्हावा यासाठी आमदार राणाजगजितसिंह पाटील यांच्या मार्गदर्शनाखाली व लेडीज क्लबच्या अध्यक्षा सौ. अर्चनाताई पाटील यांच्या वतीने क्रिकेट प्रेमींना 20×40 फूट भव्यदिव्य एलईडी स्क्रीनवर डॉल्बी सिस्टीमसह सामना पाहण्यासाठी थेट प्रक्षेपणाची सोय करण्यात आली आहे. लेडीज क्लब मैदान येथे रविवारी 19 नोव्हेंबर रोजी दुपारी 2 वाजल्यापासून सामना संपेपर्यंत पाहता येईल.
तसेच येथे आलेल्या क्रिकेट प्रेमींना चवीसाठी खाण्याच्या स्टॉलचा देखील आनंद लुटता येणार आहे. यामध्ये तुम्हाला तुमच्या आवडीचे खाद्यपदार्थ मिळतील. आपण आपल्या जिवलगांसोबत, मित्र मैत्रिणी, परिवारा सोबत हा क्रिकेट सामना पाहता येईल.
