धाराशिव – समय सारथी
धाराशिव – समय सारथी
शिवसेना उद्धव बाळासाहेब ठाकरे गटाचे पक्षप्रमुख उद्धव ठाकरे हे 12 नोव्हेंबर रोजी धाराशिव जिल्ह्यात येणार असुन ते उस्मानाबाद कळंब व उमरगा या दोन विधानसभा मतदार संघात सायंकाळी जाहिर प्रचार सभा घेणार आहेत. महाविकास आघाडीकडुन शिवसेना उबाठा गटाला उस्मानाबाद व उमरगा ह्या दोन जागा देण्यात आल्या आहेत तर महायुतीकडुन शिवसेना शिंदे गटाला धाराशिव जिल्ह्यातील 4 पैकी 3 जागा दिल्या आहेत, भाजपला तुळजापूरची जागा दिली आहे.
उमरगा व धाराशिव या दोन्ही ठिकाणी शिवसेना उबाठा विरुद्ध शिवसेना शिंदे गट अशी थेट लढत होत आहे तर भुम परंडा येथे विद्यमान पालकमंत्री डॉ तानाजीराव सावंत यांच्या विरुद्ध महाविकास आघाडीचे राष्ट्रवादी शरद पवार गटाचे राहुल मोटे यांच्यात लढत होत आहे. मुख्यमंत्री एकनाथ शिंदे हे सुद्धा धाराशिव जिल्ह्यात प्रचार सभा घेणार असुन त्याचे नियोजन सुरु आहे.
उस्मानाबाद कळंब मतदार संघात विद्यमान आमदार कैलास पाटील हे निवडणुकीच्या रिंगणात असुन त्यांची लढत शिवसेना शिंदे गटाचे उमेदवार अजित पिंगळे यांच्याशी लढत होत आहे तर उमरगा विधानसभा मतदार संघात शिवसेना शिंदे गटाचे विद्यमान आमदार ज्ञानराज चौगुले यांच्या विरोधात शिवसेना उबाठा गटाचे उमेदवार प्रवीण स्वामी अशी थेट लढत होत आहे. मशाल विरुद्ध धनुष्यबाण अशी थेट लढत होत आहे.
