धाराशिव – समय सारथी
तुळजापूर येथील ड्रग्ज तस्करी प्रकरणात नानासाहेब कुऱ्हाडे या आरोपीला 2 जुनपर्यंत 14 दिवसांची पोलिस कोठडी सुनावण्यातआली आहे. जिल्हा सरकारी वकील ऍड सचिन सुर्यवंशी यांनी कोर्टात जोरदार युक्तिवाद केला त्यानंतर 14 दिवसांची कोठडी सुनावण्यात आली. पोलीस अधीक्षक संजय जाधव यांच्या मार्गदर्शनाखाली स्थानिक गुन्हे शाखेचे सपोनि सुदर्शन कासार व त्यांच्या पथकाने कुऱ्हाडे याला ठाणे जिल्ह्यातील बदलापुर तालुक्यातील वांगणी येथून अटक केल्यानंतर जिल्हा व सत्र न्यायाधीश टी जी मिटकरी यांच्या कोर्टात हजर करण्यात आले, यावेळी 14 दिवसांची पोलिस कोठडी दिली. तपास अधिकारी सपोनि गोकुळ ठाकुर स्वतः कोर्टात हजर राहून कोठडीची आवश्यकता असल्याचे सांगितले, ऍड सूर्यवंशी यांचा युक्तिवाद ग्राह्य धरून कोठडी देण्यात आली.
धाराशिव येथील कोर्टने 9 जणांचा जामीन नाकारला असुन 7 जणांचे जामीन अर्ज सुनावणी स्तरावर प्रलंबित आहेत, सेवन गटातील फरार आरोपी विशाल सोंजी (28 मे) अभिजीत अमृतराव (27 मे) व जगदीश जीवन पाटील यांच्या अर्जावर 23 मे ला सुनावणी होणार आहे तर तस्कर गटातील फरार आरोपी संतोष कदम परमेश्वर (26 मे) व उदय उल्हास शेटे यांच्या अर्जावर 23 मे रोजी तर तस्कर गटातील जेलमधील अटक आरोपी राहुल कदम परमेश्वर (26 मे) व सुलतान उर्फ टिपू शेख या दोघांच्या अर्जावर 27 मे रोजी सुनावणी होणार आहे. 18 आरोपी जेलमध्ये असुन त्यांची नियमित सुनावणी 27 मे रोजी होणार आहे.
16, 17 व 19 मे असे सलग 3 दिवसात पोलिसांनी 3 आरोपीना अटक केली असुन त्यात सेवन गटातील माजी सभापती शरद जमदाडे, माजी नगराध्यक्ष चंद्रकांत उर्फ बापू कणे यांचा भाचा आबासाहेब पवार हे 23 मे पर्यंत पोलिस कोठडीत आहेत. तुळजापूर ड्रग्ज तस्करीत 36 आरोपी असुन 18 जणांना अटक केली असुन 18 जन फरार आहेत. 36 पैकी 16 तस्कर व 2 सेवन गटातील आरोपी अटकेत आहेत. तस्कर गटातील 26 पैकी 10 आरोपी फरार आहेत तर सेवन गटातील 10 पैकी 8 आरोपी फरार आहेत.
पोलिस अधीक्षक संजय जाधव व अपर पोलीस अधीक्षक शफकत आमना मॅडम, उपविभागीय अधिकारी डॉ निलेश देशमुख, जिल्हा सरकारी वकील ऍड महेंद्र देशमुख यांच्या मार्गदर्शनाखाली तपास अधिकारी पोलीस निरीक्षक गोकुळ ठाकुर हे तपास करीत आहेत.
फरार आरोपी (18) – माजी नगराध्यक्ष संतोष कदम परमेश्वर, माजी नगराध्यक्ष चंद्रकांत उर्फ बापु कणे, विनोद उर्फ पिटू विलास गंगणे,तस्कर इंद्रजीतसिंग उर्फ मिटू रणजीतसिंह ठाकुर, मुंबई येथील वैभव गोळे, प्रसाद उर्फ गोटन कदम परमेश्वर, उदय शेटे, अलोक काकासाहेब शिंदे,अभिजीत गव्हाड, तुळजापूर येथील स्वराज उर्फ पिनू तेलंग, विनायक इंगळे,शाम भोसले,संदीप टोले,जगदीश पाटील,विशाल सोंजी, अभिजीत अमृतराव,दुर्गेश पवार व सोलापुर जिल्ह्यातील उपळाई येथील अर्जुन हजारे हे सर्व 18 आरोपी फरार असुन पोलिस त्यांचा शोध घेत आहेत.
