धाराशिव – समय सारथी
बार्शी येथील ड्रग्ज तस्करीचे धागेदोरे थेट मुंबईपर्यंत पोहचले असल्याचे पोलिस तपासात समोर आले आहे तस्करीचे जाळे मोठे असुन त्यात अनेक जण अडकले असुन परंडा येथील अनेकजन रडारवर आहेत. पोलिसांनी अटक केलेल्या 6 आरोपीपैकी 4 जन हे परंडा येथील तर 2 जन हे बार्शी येथील आहेत, या सर्व आरोपींची पोलिस कोठडी 22 एप्रिल रोजी संपणार आहे. सोलापूर पोलिसांनी परंडा येथे येत घरझडती व इतर ठिकाणी शोध घेतला. पोलिस 6 ही आरोपीची वाढीव पोलिस कोठडी मागणार आहेत. धाराशिव जिल्ह्यातील परंडा, तुळजापूर ये 2 ठिकाणी ड्रग्ज तस्करी होत असल्याचे समोर आले आहे. तुळजापूर व परंडा या दोन्ही गुन्ह्यात ड्रग्ज तस्कर हे मुंबईतील आहेत.
परंडा येथील असद हसन देहलुज, मेहफुज महंमद शेख, वसिम इसाक बेग व जावेद नवाबमुद्दीन मुजावर या 4 आरोपीसह बार्शी येथील जमीर अन्सार पटेल व सिरफराज उर्फ गोल्डी अस्लम शेख या 2 जणांचा समावेश आहे. 20 ग्रॅम वजनाचे 10 पुड्यासह पोलिसांनी 18 एप्रिल रोजी 3 जणांना अटक केली होती त्यानंतर 3 जणांना अटक केली. असद देहलूजकडे 9.19 ग्रॅम ड्रग्ज 5 पुड्या व पिस्टल, मेहफुज शेख कडे 5.73 ग्रॅम ड्रग्ज 2 पुड्या व सरफराज उर्फ गोल्डी कडे 5.12 ग्रॅम 3 पुड्या असे 20 ग्रॅम ड्रग्ज जप्त केले.
ड्रग्ज कुठून आणले होते व कोणाला दिले जाणार होते, पुरवठादार कोण? गावठी पिस्टल कोणाकडुन आणले त्याचा वापर इतर गुन्ह्यात झाला का? आरोपीचे मोबाईल, कॉल डिटेल, सोशल मीडिया यासह अन्य बाबी तपास, अमली पदार्थ व शस्त्र विक्रीचा व्यवहार, इतर साथीदार याचा तपास करण्यासाठी पोलिसांनी कोठडी मागितली त्यानुसार ती देण्यात आली. पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर, उपविभागीय पोलीस अधिकारी जालिंदर नाकुल व पोलीस निरीक्षक बालाजी कुकडे यांच्या मार्गदर्शनाखाली पोलीस उपनिरीक्षक उमाकांत कुंजीर व त्यांच्या पथकाने ही कारवाई केली.
