धाराशिव – समय सारथी
तुळजापूर येथील ड्रग्ज तस्करी प्रकरणात आरोपीचे ज्या लोकांशी बँकेत आर्थिक व्यवहार झाले, कॉल रेकॉर्ड उपलब्ध झाले त्यांना चौकशीला सामोरे जावे लागणार आहे. पोलिसांनी अश्या संशयित लोकांची उपलब्ध कागदपत्रे आधारे यादी तयार केली असुन त्यांना नोटीस बजावण्यात येत आहे. नोटीस दिल्यावर संबंधित व्यक्तीला त्याचे म्हणणे सादर करावे लागणार आहे. आर्थिक व्यवहार का केला? कशासाठी फोन केला होता याची समर्पक व समाधानकारक उत्तर व त्याच्याशी निगडीत पुरावे दिल्यास चौकशीतुन दिलासा मिळणार आहे मात्र काही संशयास्पद सापडल्यास कारवाईला सामोरे जावे लागणार आहे. जवळपास 100 पेक्षा अधिक जणांची व त्यांच्या बँक खात्याची चौकशी होऊ शकते त्यामुळे आगामी काळात आरोपींची संख्या वाढू शकते. जे यात गुंतले आहेत व रडारवर आहेत त्यातील काहीजन नॉट रिचेबल झाले आहेत. ड्रग्ज रॅकेट मध्ये 35 आरोपी असुन 21 जन फरार आहेत तर 4 पोलीस कोठडीत व 10 जन जेलमध्ये आहेत.
माजी नगराध्यक्ष चंद्रकांत उर्फ बापु कणे, विनोद उर्फ पिटू विलास गंगणे, माजी सभापती शरद जमदडे,तस्कर इंद्रजीतसिंग उर्फ मिटू रणजीतसिंह ठाकुर,प्रसाद उर्फ गोटन कदम परमेश्वर, उदय शेटे, आबासाहेब गणराज पवार, अलोक शिंदे,अभिजीत गव्हाड, मुंबई येथील संतोष खोत व तुळजापूर येथील स्वराज उर्फ पिनू तेलंग, विनायक इंगळे,शाम भोसले,संदीप टोले,जगदीश पाटील,विशाल सोंजी, अभिजीत अमृतराव,दुर्गेश पवार,रणजित पाटील,नाना खुराडे व सोलापुर जिल्ह्यातील उपळाई येथील अर्जुन हजारे हे सर्व 21 आरोपी फरार असुन पोलिस त्यांचा शोध घेत आहेत.
पोलीस कोठडीतील 4 आरोपी असुन त्यात पुणे येथील सुल्तान उर्फ टिपू शेख व सोलापूर येथील जीवन साळुंके (5 एप्रिल पर्यंत) व राहुल कदम – परमेश्वर (7 एप्रिल पर्यंत) व गजानन हंगरकर (8 एप्रिल पर्यंत) पोलिस कोठडीत आहेत. धाराशिव कारागृहात 10 आरोपी असुन त्यात अमित उर्फ चिमू आरगडे,युवराज दळवी, संदीप राठोड, संगीता गोळे, संतोष खोत, विश्वनाथ उर्फ पिंटू मुळे, सयाजी चव्हाण, सुमित शिंदे, ऋतूराज गाडे, संकेत शिंदे यांचा समावेश आहे.
पालकमंत्री प्रतापराव सरनाईक, खासदार ओमराजे निंबाळकर, आमदार कैलास पाटील यांनी ड्रग्ज प्रकरणी संसद, विधीमंडळात आवाज उठवला. आमदार राणाजगजीतसिंह पाटील यांनी 3 वेळेस ड्रग्ज तस्करीबाबत लागणारी माहिती, टीप पोलिसांना दिली त्यामुळे तुळजापुरात वाढत असलेल्या ड्रग्ज रॅकेटचा भांडाफोड झाला. काही राजकीय पक्षाशी व व्यक्तीशी संबंधित आरोपी असले तरी ते उघड झाल्याने ड्रग्ज तस्करीची कीड नष्ट होईल अशी आशा आहे. पोलिस अधीक्षक संजय जाधव व अपर पोलीस अधीक्षक शफकत आमना मॅडम, तत्कालीन अपर पोलिस अधीक्षक गौहर हसन, उपविभागीय अधिकारी डॉ निलेश देशमुख हे स्वतः यावर लक्ष ठेवुन आहेत. जिल्हा सरकारी वकील ऍड महेंद्र देशमुख हे सरकारच्या वतीने कोर्टात सक्षम बाजु मांडत आहेत. तामलवाडी पोलिस निरीक्षक गोकुळ ठाकुर हे तपास करीत आहेत.
