स्थगिती व विकासावरून आमदार राणाजगजीतसिंह पाटीलांच्या दुटप्पी भुमीकेवर हल्लाबोल
धाराशिव – समय सारथी
खासदार ओमराजे निंबाळकर व आमदार कैलास पाटील. यांनी धाराशिव नगर परिषदेच्या निवडणुकीचे रणशिंग फुंकले असुन भाषणातून तुफान फटकेबाजी केली. नगर परिषदेत महाविकास आघाडीला सत्ता द्या असे आवाहन त्यांनी केले. स्थगिती व विकासावरून आमदार राणाजगजीतसिंह पाटीलांच्या दुटप्पी भुमीकेवर हल्लाबोल केला.
एक सुद्धा गरीब घरातील मुलाला तेरणा ट्रस्टच्या मेडिकल कॉलेजमध्ये मोफत ऍडमिशन दिले का हे यांनी सांगावे असे आव्हान ओमराजे निंबाळकर यांनी दिले, इथे मंजुर झालेले कॉलेज मुंबईला नेले हे यांचे कर्तृत्व आहे. तुळजापूर धाराशिव रेल्वेचे काम केले, जाईल तिथे नारळ फोडायचे आणि आपण काम केले असा दावा करायचा.आम्ही समाजाला बांधील आहोत.मताला 2 ते 5 हजार देत आहेत अशी चर्चा आहे, 5 वर्षासाठी 5 हजार देतील, एका वर्षात 365 दिवस मग 5 वर्षाचे दिवस 1825 मग दिवसाला 2 रुपये 73 पैसे मग हीच का तुमच्या मतांची किंमत. यात चॉकलेट सुद्धा येत नाही. धाराशिव जिल्ह्यात स्वाभिमानी मतदार आहे.
अर्चना पाटील ह्या लोकसभेची निवडणुक लढवितात, आमदार राणाजगजीतसिंह पाटील आमदार म्हणुन लढतात, जिल्हा परिषद आली की आता पून्हा अर्चना पाटील लढतील. जितकी काही अक्कल आहे त्यांच्याकडे आहे असा त्यांचा समज आहे. अर्चना पाटील यांनी राष्ट्रवादीकडुन लोकसभा लढवली, आता त्या भाजपमध्ये आहेत की राष्ट्रवादीमध्ये आहेत हे त्यांनी स्पष्ट करावे.त्या कोणाचा प्रचार करीत आहेत. मी घराणेशाही न करता सामान्य कुटुंबातील आमदार कैलास पाटील 2 वेळा आमदार झाले. राजकारणात आम्हाला सुसंस्कृतपणा आणायचा आहे.
शरद पवार यांनी 45 वर्ष मंत्री केले, त्यातून बक्कळ पैसे कमावले व ईडी मागे लागेल म्हणुन ते भाजपात विकासाच्या नावावर गेले. उलट आमची शिवसेना फुटली, आमदार गेले, 100 कोटी घेऊन आमदार गेले आम्ही आहे तिथे राहुन लढा देत आहे. मी चुकीचे काही केले नाही म्हणुन भाजपमध्ये गेलो नाही. गणपतीमध्ये नाच करीत आम्हाला शिव्या घातल्या म्हणुन उमेदवारी दिली असाही आरोप केला.
राणाजगजीतसिंह पाटील यांची 45 वर्षात वॉरंटी संपली आहे आणि कशाची गॅरंटी असे ते म्हणाले. ते धाराशिव मतदार संघ सोडून तुळजापूरला पळून गेले. जिल्हा नियोजन समितीचा निधी आमदार राणाजगजीतसिंह पाटील यांनी मुख्यमंत्री यांच्याकडे तक्रार करून स्थगिती आणली हे स्वतः पालकमंत्री यांनी सांगितले. 140 कोटी रुपयांच्या रस्ते कामाला पालकमंत्री यांनी तक्रार करून स्थगिती दिली. सत्ता आल्यावर पहिल्यांदा 1 महिन्याच्या आत हे काम सुरु केले जाईल, आमच्यावरील राजकीय राग जनतेवर काढु नका असे खासदार ओमराजे निंबाळकर म्हणाले. रस्ते खराब झाले असुन त्यावर पालकमंत्री व आमदार राणाजगजीतसिंह पाटील यांनी जाऊन पाहावे मग कळेल काय ते.
राष्ट्रवादी काँग्रेसला अडीच वर्ष उपनगराध्या व 1 वर्ष अध्यक्ष पदाचा पदभार व 3 स्वीकृत नगरसेवक अशी ऑफर देण्यात आली मात्र त्यांनी सुरुवातीला हो म्हणाले व नंतर नकार दिला आणि स्वतंत्र भुमिका घेतली. राष्ट्रवादीने भाजपला मदत करण्यासाठी उमेदवार उभा केला, राष्ट्रवादीला मत घेणे म्हणजे भाजप व कमळाचा फायदा आहे, तुम्ही भाजपला फायदा करीत आहेत. भाजप व राष्ट्रवादीचे हे षडयंत्र हाणून पाडण्यासाठी शिवसेनेच्या पाठीशी रहा असे ओमराजे म्हणाले. ड्रग्ज, मटका, सट्टा असे अवैध धंदे करणारा एकही व्यक्ती आमच्या सोबत नाही मात्र राणाजगजीतसिंह पाटील यांनी तुळजापूर येथे ड्रग्ज तस्करी करणाऱ्या विनोद गंगणे यांना उमेदवारी दिली.
मल्हार पाटील यांचे लग्न पुरस्थिती असल्याने साधेपणाने करायचे असे आमदार पाटील म्हणाले मात्र व्हीआयपी लोकांना बोलवून 60 कोटी खर्च करून लग्न केले. ज्या कार्यकर्ते यांनी विरोध केला त्यांना सुद्धा लग्नात आत प्रवेश नव्हता त्यामुळे कुठेतरी स्वाभिमान बाळगा असे म्हणत त्यांनी टीका केली.
