धाराशिव – समय सारथी
राज्याचे महसूल मंत्री चंद्रशेखर बावनकुळे हे 7 व 8 ऑगस्ट असे 2 दिवस धाराशिव जिल्ह्याच्या दौऱ्यावर येणार आहे. या दोन दिवसात ते शासकीय बैठका, उदघाटन, पक्ष कार्यक्रमसह आगामी स्थानिक स्वराज्य संस्थाच्या अनुषंगाने पक्ष आढावा घेतील.
छत्रपती संभाजीनगर येथून मोटारीने 7 ऑगस्ट रोजी सकाळी 11.30 वाजता धाराशिव येथे आगमन.सकाळी 11.40 वाजता जिल्हाधिकारी कार्यालय येथे नागरिकांची निवेदन स्वीकारतील. दुपारी 12.40 वाजता जिल्हाधिकारी कीर्ती किरण पुजार यांच्या समवेत महसूल विभागाचा आढावा घेतील. दुपारी 2 वाजता जिल्ह्यातील मुद्रांक शुल्क व नोंदणी विभागाचा व दुपारी 2.45 वाजता जिल्ह्यातील भूमी अभिलेख विभागाचा आढावा घेतील. दुपारी 3.30 वाजता जिल्हाधिकारी कार्यालयातील सभागृहात पत्रकार परिषद घेतील.
दुपारी 4 वाजता भाजप कार्यालय,प्रतिष्ठान भवन येथे राखीव.सायंकाळी 5 वाजता मोटारीने धाराशिव येथून तुळजापूरकडे प्रयाण. सायंकाळी 5.30 वाजता तुळजापूर येथे आगमन व आई तुळजाभवानी मातेचे दर्शन घेतील. सायंकाळी 6 वाजता भवानी तीर्थकुंड,घाटशीळ रोड पार्किंग तुळजापूर येथे श्रीक्षेत्र तुळजापूर विकास आराखडा मंजूर केल्याबद्दल तुळजापूर नागरी सत्कार सोहळा समितीच्या वतीने आयोजित नागरी सत्कार कार्यक्रमाला उपस्थिती.सायंकाळी 7 वाजता मोटारीने धाराशिवकडे प्रयाण. सायंकाळी 7.30 वाजता धाराशिव शासकीय विश्रामगृह येथे आगमन व मुक्काम करतील
8 ऑगस्ट रोजी सकाळी 8 वाजता मोटारीने धाराशिव येथून मुरूम,ता. उमरगाकडे प्रयाण.सकाळी 9 वाजता मुरूम येथे आगमन व श्री.बसवराज पाटील यांच्याकडे राखीव.सकाळी 9.30 वाजता श्री विठ्ठलसाई सहकारी साखर कारखाना मुरूम येथे आयोजित शेतकरी मेळाव्याला उपस्थिती.सकाळी 11 वाजता मोटारीने मुरूम येथून जालनाकडे प्रयाण करतील
