धाराशिव – समय सारथी
बार्शी येथील ड्रग्ज तस्करीत अखेर मस्तान शेख याला आरोपी करण्यात आले असुन बार्शी पोलिसांनी कोर्टात मस्तानसह साजिद चाँद मुजावर व शेळके याला आरोपी केले आहे, या 3 जणांची नावे रिमांड यादीत उघड केली असुन हे आरोपी फरार आहेत. ड्रग्ज गुन्ह्याची व्याप्ती व पोलिसांचा सुरु असलेला तपास पाहता बार्शी येथील कोर्टाने अटकेतील 7 आरोपीना 28 एप्रिल पर्यंत 5 दिवसांची पोलिस कोठडी दिली आहे. कोर्टाने यापुर्वी 2 वेळेस कोठडी दिली होती त्यानंतर तिसऱ्यांदा कोठडी सुनावली आहे. परंडा ड्रग्ज तस्करीतील ‘बोका’ असलेल्या मस्तानला अखेर पोलिसांनी आरोपी केले असुन त्याचा ‘आका’ कोण याचा शोध सुरु आहे.
बार्शी ड्रग्ज तस्करीत 12 आरोपी निष्पन्न झाले असुन त्यातील 9 जन परंडा येथील तर 3 जन बार्शी येथील आहेत. 12 आरोपी पैकी 7 जन पोलिस कोठडीत, 3 फरार तर परंडा येथील दीपक काळे व खांडवी येथील अय्याज शौकत शेख अश्या 2 जणांना ताब्यात घेतले असुन अटकेची कारवाई सुरु आहे, त्यांना 25 एप्रिल रोजी कोर्टात हजर केले जाऊ शकते. धाराशिवचे सुपुत्र तथा बार्शी पोलिस ठाण्याचे पोलिस निरीक्षक बालाजी कुकडे यांची भुमिका महत्वाची ठरत असुन ते व त्यांची टीम दिवस रात्र माहिती, पुरावे, गोळा करणेसह तांत्रिक बाबींचे विश्लेषण करीत आहे.
परंडा येथील असद हसन देहलुज, मेहफुज महंमद शेख, वसिम इसाक बेग, जावेद नवाबमुद्दीन मुजावर,हसन चाऊस, दीपक काळे, साजिद चाँद मुजावर, फिरोज उर्फ मस्तान रसूल शेख व शेळके नावाच्या अश्या 9 जणांना आरोपी केली आहे त्यातील मुजावर, शेख व शेळके हे फरार आहेत. बार्शी येथील अय्याज शौकत शेख,जमीर अन्सार पटेल व सिरफराज उर्फ गोल्डी अस्लम शेख हे 3 आरोपी बार्शी येथील आहेत. 20 ग्रॅम वजनाचे 10 पुड्यासह पोलिसांनी 18 एप्रिल रोजी 3 जणांना अटक केली होती त्यानंतर तस्करीचा भांडाफोड झाला. असद देहलूजकडे 9.19 ग्रॅम ड्रग्ज 5 पुड्या व पिस्टल, मेहफुज शेख कडे 5.73 ग्रॅम ड्रग्ज 2 पुड्या व सरफराज उर्फ गोल्डी कडे 5.12 ग्रॅम 3 पुड्या असे 20 ग्रॅम ड्रग्ज जप्त केले.
ड्रग्ज कुठून आणले होते व कोणाला दिले जाणार होते, पुरवठादार कोण? गावठी पिस्टल कोणाकडुन आणले त्याचा वापर इतर गुन्ह्यात झाला का? आरोपीचे मोबाईल, कॉल डिटेल, सोशल मीडिया यासह अन्य बाबी तपास, अमली पदार्थ व शस्त्र विक्रीचा व्यवहार, इतर साथीदार याचा तपास पोलिस करीत आहेत. पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर, उपविभागीय पोलीस अधिकारी जालिंदर नाकुल व पोलीस निरीक्षक बालाजी कुकडे यांच्या मार्गदर्शनाखाली पोलीस उपनिरीक्षक उमाकांत कुंजीर व त्यांच्या पथकाने ही कारवाई केली. तपास अधिकारी पोलिस उपनिरीक्षक अभय माकणे, पोलिस उपनिरीक्षक प्रदीप झाल्टे यांच्यासह अधिकारी कर्मचारी या गुन्ह्याचा तपास करीत आहेत.
