पोलिस अधीक्षक संजय जाधव यांचा अवैध धंदे मुक्तीचा संकल्प – ड्रग्ज, मसाज पार्लर नंतर ‘क्रिकेट सट्टा’
धाराशिव – समय सारथी
धाराशिव पोलिसांनी चेन्नई विरुद्ध राजस्थान या आयपीएल मॅचवर सुरु असलेल्या सट्टा बाजाराची पोलखोल केली असुन कारवाई केली आहे. ड्रग्जनंतर तुळजापुर येथे सट्टा बाजाराची पोळखोल करण्यात पोलिसांना यश आले असुन त्याचा मास्टर माईंड व त्याच्या मुळापर्यंत जाणे हे पोलिसांसाठी एक आव्हान आहे, त्यात ते ड्रग्ज प्रमाणे यशस्वी होतील यात शंका नाही. सट्टा बाजारमुळे अनेकांची घरे उध्वस्त झाली असुन बेघर होत आत्महत्या केल्याचे बोलले जात आहे.
स्थानिक गुन्हे शाखेने ही कामगिरी केली असुन अमोल रमेश निंबाळकर यांच्या फिर्यादीवरून गुन्हा नोंद केला आहे. पोलिस अधीक्षक संजय जाधव यांनी धाराशिव जिल्हा अवैध धंदे व गुन्हेगारी मुक्तीचा संकल्प केला असुन ड्रग्ज तस्करी रॅकेट त्यानंतर मसाज पार्लर ‘लगाम’ व आता क्रिकेट मॅचचा सट्टा कांड उघड केले आहे. स्थानिक गुन्हे शाखेचे पोलीस निरीक्षक विनोद इज्जपवार आदेशाने सपोनि सचिन खटके, पोहेका जानराव, पोना जाधवर, मपोको होळकर यांच्या पथकाने कारवाई केली. या क्रिकेट सट्टायात मोठा ‘संग्राम’ असुन अनेक वेळा ‘तोडपाणी’ करू प्रकरण 2-3 लाखांची मागणी करुन 80-90 हजारात दाबले, मिटावले आहे मात्र आता क्रिकेट बेटींग सट्टा कागदावर आला आहे.
पोलिसांना गोपनीय माहिती कळाली की, तुळजापूर शहरातील शुक्रवार पेठ येथील भोसले गल्ली येथील प्रमोद रमेश कदम याचे राहते घरासमोर कटयावर बसुन आयपीएल 2025 या क्रिकेट लीगमधील चेन्नई विरूध्द राजस्थान या मॅचवर होणारे अंदाजीत स्कोर व हार जीत यावर कमी पैशात जास्त पैशाचे आमीष दाखवुन आयपीएल सटटा हा मोबाईलवर खेळत व खेळवीत आहे, त्यानुसार कारवाई केली व मोबाईल, सट्टामध्ये पैसे लावण्यात आलेले रजिस्टर असे इतर साहित्य जप्त करण्यात आले आहे. आरोपी विरुध्द महाराष्ट्र जुगार कायदा कलम 12 (अ) प्रमाणे फिर्याद देण्यात आली आहे.
