धाराशिव – समय सारथी
शिवसेनेने 45 उमेदवार यांची पहिली यादी जाहीर केली असुन त्यात धाराशिव जिल्ह्यातील भुम परंडा मतदार संघातुन आरोग्यमंत्री तथा पालकमंत्री डॉ तानाजीराव जयवंत सावंत यांना तर उमरगा मतदार संघातून ज्ञानराज चौगुले यांना उमेदवारी जाहीर करण्यात आली आहे. महायुतीकडुन परंडा येथे डॉ तानाजीराव सावंत तर उमरगा येथील ज्ञानराज चौगुले हे उमेदवार असणार आहेत, महाविकास आघाडीचे उमेदवार अद्याप निश्चित झाले नाहीत.
2019 च्या निवडणुकीत सावंत यांनी धाराशिवच्या राजकीय इतिहासात सर्वाधिक 1 लाख 6 हजार 674 मते घेऊन विक्रमी 32 हजार 902 मतांनी विजयी झाले होते त्यांनी सलग 3 टर्म आमदार राहिलेल्या राष्ट्रवादीचे राहुल मोटे यांचा पराभव केला होता.
उमरगा मतदार संघासाठी ज्ञानराज चौगुले यांची उमेदवारी जाहीर करण्यात आली असुन ते गेली 3 टर्म सलग आमदार असुन मतदार संघांचे प्रतिनिधित्व करीत आहेत.चौगुले यांना 86 हजार 773 मते पडली होती तर ते 25 हजार 586 मतांनी विजयी झाले.
