धाराशिव – समय सारथी
उस्मानाबाद जनता सहकारी बँकेचे माजी अध्यक्ष ब्रिजलाल मोदाणी यांचे उपचारा दरम्यान दुःखद निधन झाले आहे. सहकार, बँकिंग क्षेत्रातील एक अनुभवी व्यक्तीमत्व म्हणून ते राज्यभर ओळखले जात होते. सहकार, व्यापार अश्या अनेक क्षेत्रात त्यांनी मोठे यश मिळविल्याने त्यांना मॅनेजमेंट गुरु असेही संबोधले जात होते.
उद्या दुपारी 1 चे सुमारास खानापूर हातलादेवी मंदिर शेजारील मोदाणी यांच्या शेतात अंत्यसंस्कार करण्यात येणार आहे. त्यांच्या पश्चात आशिष, अमित, रुपेश मुले व इतर परिवार आहे. दैनिक समय सारथी वृत्तपत्र परिवाराचे ते संस्थापक सदस्य होते, त्याच्या आत्म्याला ईश्वर शांती देवो ही प्रार्थना.
मागील दोन दिवसांपासून त्यांची प्रकृती चिंताजनक होती. येथील सह्याद्री रुग्णालयात त्यांनी अखेरचा श्वास घेतला. जनता बँकेत पूर्वी सरव्यवस्थापक राहिलेले मोदाणी यांनी मागील दहा वर्षे बँकेचे अध्यक्ष म्हणून कामकाज पाहिला. तोट्यात असलेल्या बँकेला उर्जितावस्था देऊन बँकेला नफ्यात आणण्यासाठी त्यांनी दिलेले योगदान मोलाचे आहे.
