धाराशिव/ तुळजापूर – समय सारथी
लोकसभेची उमेदवारी व राष्ट्रवादी पक्ष प्रवेशनंतर अर्चना पाटील ह्या धाराशिव जिल्ह्यात प्रथमच आल्यावर त्यांचे तामलवाडी व तुळजापूर शहरात जंगी स्वागत करण्यात आले. महिलांनी औक्षण करुन त्याचे स्वागत केले. महिलांची गळाभेट भेट घेत असताना अर्चना पाटील यांना आनंद आश्रू अनावर झाले. लोकसभेला महिला उमेदवार मिळाल्याने महिला पदाधिकारी, कार्यकर्ते यांचा आनंद गगनात मावेना असा उत्साह होता.
अर्चना पाटील व राणा पाटील या दांपत्त्यावर जेसीबीतुन फुलांची उधळण करण्यात आली. भाजप आमदार राणाजगजीतसिंह पाटील हे स्वतः गाडी चालवत अर्चना पाटील यांच्या सोबत आले, यावेळी त्यांनी सारथ्य केले.यावेळी भाजप व राष्ट्रवादी काँग्रेसचे पदाधिकारी मोठ्या संख्याने उपस्थितीत होते त्यांनी महायुतीच्या व नेत्यांच्या विजयाच्या घोषणा दिल्या.अर्चना व राणाजगजीतसिंह पाटील यांच्या सोबत फोटो काढण्यासाठी कार्यकर्त्यात चढाओढ लागली होती.
