धाराशिव – समय सारथी
बार्शी येथील ड्रग्ज तस्करीतील आरोपींची संख्या 12 वरून 13 झाली असुन परंडा येथून शाहीद जाकीर मुजावर या एका आरोपीला अटक केली आहे त्याला कोर्टाने पोलीस कोठडी सुनावली आहे. अटकेतील 9 आरोपीची पोलिस कोठडी संपली असुन त्यांची रवानगी सोलापूर येथील कारागृहात करण्यात आली आहे. बार्शी ड्रग्ज तस्करीत 13 पैकी तब्बल 10 आरोपी हे परंडा येथील असुन 3 आरोपी फरार आहेत.
परंडा येथील असद हसन देहलुज, मेहफुज महंमद शेख, वसिम इसाक बेग, जावेद नवाबमुद्दीन मुजावर,हसन चाऊस, दीपक काळे, साजिद चाँद मुजावर, फिरोज उर्फ मस्तान रसूल शेख, शाहीद जाकीर मुजावर व चैतन्य शेळके नावाच्या अश्या 10 जणांना आरोपी केली आहे तर बार्शी येथील अय्याज शौकत शेख,जमीर अन्सार पटेल व सिरफराज उर्फ गोल्डी अस्लम शेख हे 3 आरोपी बार्शी येथील आहेत. 13 पैकी साजिद मुजावर, मस्तान शेख व चैतन्य शेळके हे 3 आरोपी फरार आहेत.
परंडा ड्रग्ज तस्करीतील ‘बोका’ असलेल्या मस्तानला अखेर पोलिसांनी आरोपी केले असुन त्याचा ‘आका’ कोण याचा शोध सुरु आहे. धाराशिवचे सुपुत्र तथा बार्शी पोलिस ठाण्याचे पोलिस निरीक्षक बालाजी कुकडे यांची भुमिका महत्वाची ठरत असुन ते व त्यांची टीम दिवस रात्र माहिती, पुरावे, गोळा करणेसह तांत्रिक बाबींचे विश्लेषण करीत आहे. ड्रग्ज कुठून आणले होते व कोणाला दिले जाणार होते, पुरवठादार कोण? गावठी पिस्टल कोणाकडुन आणले त्याचा वापर इतर गुन्ह्यात झाला का? आरोपीचे मोबाईल, कॉल डिटेल, सोशल मीडिया यासह अन्य बाबी तपास, अमली पदार्थ व शस्त्र विक्रीचा व्यवहार, इतर साथीदार याचा तपास पोलिस करीत आहेत.
पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर, उपविभागीय पोलीस अधिकारी जालिंदर नाकुल व पोलीस निरीक्षक बालाजी कुकडे यांच्या मार्गदर्शनाखाली पोलीस उपनिरीक्षक उमाकांत कुंजीर व त्यांच्या पथकाने ही कारवाई केली. तपास अधिकारी पोलिस उपनिरीक्षक अभय माकणे, पोलिस उपनिरीक्षक प्रदीप झाल्टे यांच्यासह अधिकारी कर्मचारी या गुन्ह्याचा तपास करीत आहेत.
