निवडी – शिवसेना ठाकरे गटाच्या सहसंपर्कपदी मकरंद राजे तर जिल्हा प्रमुखपदी रणजीत पाटील
धाराशिव – समय सारथी
शिवसेना उद्धव बाळासाहेब ठाकरे गटाच्या धाराशिव जिल्ह्यातील निवडी जाहीर झाल्या आहेत. सहसंपर्कपदी मकरंद राजेनिंबाळकर यांची तर जिल्हा प्रमुख म्हणून रणजीत पाटील यांची नेमणूक करण्यात आली आहे. निंबाळकर यांच्यावर धाराशिव, तुळजापूर, उमरगा व लोहारा या 4 तालुक्याची तर पाटील यांच्यावर कळंब, भुम, परंडा व वाशी या 4 तालुक्याची जबाबदारी असणार आहे.
सहसंघटकपदी दीपक जवळगे व दिलीप पाटील, उपजिल्हा प्रमुख ( भुम व परंडा ) चेतन बोराडे, प्रदीप मेटे, लोहारा तालुका प्रमुखपदी अमोल बिराजदार तर धाराशिव शहरप्रमुखपदी सोमनाथ गुरव यांची निवड करण्यात आली आहे.
