धाराशिव – समय सारथी
तुळजापूर येथील ड्रग्ज तस्करी गुन्ह्यात 38 पैकी 11 आरोपी फरार असुन त्यांना अटक करणे पोलिसांसमोर एक आव्हान असणार आहे, पालकमंत्री प्रतापराव सरनाईक यांनी सर्व फरार आरोपीना 15 ऑगस्टपर्यंत अटक करुन जामीनावर असलेल्या आरोपीवर मकोका अंतर्गत कारवाई करावी असे आदेश दिले पोलिस यंत्रणा कामाला लागली आहे. 38 पैकी 3 आरोपीना जामीन मिळाला असुन 3 जन अटकेत आहेत तर 21 आरोपी हे धाराशिव येथील कारागृहात आहेत.
मुंबई येथील अतुल अग्रवाल याचे नाव संगीता गोळे, संतोस खोत यांच्या लेखी जबाबात आले असुन याबाबत खासदार ओमराजे निंबाळकर व आमदार कैलास पाटील यांनी पत्रकार परिषद घेऊन मुख्यमंत्री देवेंद्र फडणवीस यांना निवेदन दिले तर आमदार पाटील यांनी विधीमंडळात नाव घेत त्याचा फोन सुरु असुन त्याला अभय दिले जात असल्याचा आरोप केला मात्र धाराशिव पोलिसांची अग्रवाल बाबत भुमिका अस्पष्ट आहे.
फरार आरोपीत मुंबई येथील मुख्य तस्कर वैभव गोळे, इंद्रजीतसिंह उर्फ मिटू ठाकुर, प्रसाद उर्फ गोटन कदम परमेश्वर, अभिजीत गव्हाड, विनायक इंगळे,शाम भोसले,संदीप टोले,जगदीश पाटील,विशाल सोंजी,दुर्गेश पवार व सोलापुर जिल्ह्यातील उपळाई येथील अर्जुन हजारे यांचा समावेश आहे. पोलिसांनी सेवन व तस्कर असे 2 गट केले असुन 28 आरोपी तस्कर तर 10 आरोपी सेवन गटात आहेत.
तुळजापूर येथील ड्रग्ज तस्करी गुन्ह्यात सेवन गटातील माजी सभापती शरद जमदाडे, आबासाहेब पवार, विश्वनाथ उर्फ पिंटू मुळे या आरोपींचा जामीन अर्ज धाराशिव कोर्टाने फेटाळला असुन तस्कर गटातील जेलमधील आरोपी नानासाहेब खुराडे, माजी नगराध्यक्ष संतोष कदम परमेश्वर, सेवन गटातील फरार आरोपी दुर्गेश पवार या 3 जणांच्या अर्जावर 23 जुलैला सुनावणी होणार आहे. रणजित पाटील यांच्यासह नियमित आरोपींच्या जामीन अर्जावर 22 जुलै तर सेवन गटातील फरार आरोपी शामकुमार भोसले याच्या अटकपुर्व अर्जावर 25 जुलैला सुनावणी होणार आहे.
कारागृहातील आरोपी (21) – यातील अमित उर्फ चिमू अशोक आरगडे,युवराज देविदास दळवी, संदीप संजय राठोड, संगीता वैभव गोळे, संतोष अशोक खोत, विश्वनाथ उर्फ पिंटू मुळे, सयाजी शाहुराज चव्हाण, सुमित सुरेश शिंदे, ऋतूराज सोमनाथ गाडे, संकेत अनिल शिंदे,पुणे येथील सुल्तान उर्फ टिपू शेख व सोलापूर येथील जीवन नागनाथ साळुंके, राहुल सुनील कदम – परमेश्वर व गजानन प्रदीप हंगरगेकर, रणजीत रंगनाथ पाटील, माजी सभापती शरद जमदाडे, आबासाहेब पवार, नानासाहेब खुराडे, शुभम नेप्ते, पिट्टा सुर्वे, माजी नगराध्यक्ष संतोष कदम परमेश्वर 21 जण धाराशिव जेलमध्ये आहेत.
अशी झाले अटकसत्र – 25 आरोपी
तुळजापूर येथील अमित उर्फ चिमू अशोकराव आरगडे व युवराज देविदास दळवी आणि नळदुर्ग येथील संदीप संजय राठोड या 3 आरोपीना 45 ग्रॅम ड्रग्ज असलेल्या 59 पुड्या ड्रग्जसह 15 फेब्रुवारीला तामलवाडी येथे रंगेहात अटक करण्यात आली. त्यानंतर या 3 आरोपीना ड्रग्ज पुरवठा करणारी मुंबई महिला तस्कर संगीता गोळेला 22 फेब्रुवारी,संतोष खोतला 27 फेब्रुवारी,तुळजापूर तालुक्यातील सराटी येथील विश्वनाथ उर्फ पिंटू मुळे याला 28 फेब्रुवारीला अटक करण्यात आली. सोलापूरहुन ड्रग्ज खरेदी करणारे सयाजी चव्हाण, सुमित शिंदे, ऋतूराज गाडे व संकेत शिंदे या 4 जणांना 18 ग्रॅम ड्रग्ज असलेल्या 30 पुड्या ड्रग्जसह 4 मार्च रोजी अटक करण्यात आली. पुणे येथील सुल्तान उर्फ टिपू शेख याला 23 मार्च, सोलापूर येथील जीवन साळुंके व राहुल कदम-परमेश्वर यांना 24 मार्चला अटक केली त्या दिवशी 4 गोपनीय व नवीन 6 अशी 10 जणांची नावे उघड केली. गजानन हंगरकर याला 26 मार्चला अटक केली त्यानंतर पोलिसांनी कोर्टात 26 मार्चला नवीन 10 आरोपींची नावे जाहीर केली, त्यानंतर 15 एप्रिलला कोर्टात चार्जशीट दाखल करताना माजी नगराध्यक्ष संतोष कदम परमेश्वर यांना 36 वा आरोपी करण्यात आले.
तस्कर गटातील रणजीत रंगनाथ पाटील यांना 1 मे रोजी अटक केली त्यानंतर 16 मे रोजी माजी उपसभापती शरद जमदाडे यांना अटक केली. 17 मे रोजी आबासाहेब पवार याला पुणे येथून तर 19 मे रोजी नानासाहेब खुराडे याला ठाणे जिल्ह्यातील बदनापुर तालुक्यातील वांगणी येथून स्थानिक गुन्हे शाखेच्या पथकाने अटक केली. 29 मे रोजी शुभम नेप्ते या आरोपीला अटक केले त्यानंतर आरोपीची संख्या 36 वरून 37 झाली. 6 जुन रोजी विनोद गंगणे यांचा जामीन अर्ज फेटाळल्यानंतर त्यांना अटक करण्यात आली. 19 जुन रोजी सोलापूर येथून पिट्टा सुर्वे याला अटक करण्यात आली, त्यानंतर आरोपी संख्या 38 झाली. 22 जुन रोजी माजी नगराध्यक्ष संतोष कदम परमेश्वर उर्फ मेंबर यांना अकलूज सोलापूर येथून स्थानिक गुन्हे शाखेने अटक केली.18 जुलै रोजी अभिजीत अमृतराव या आरोपीला अटक केली. माजी नगराध्यक्ष चंद्रकांत उर्फ बापु कणे यांना पुणे तर स्वराज उर्फ पिनू तेलंग याला 21 जुलै रोजी सोलापूर येथील अटक केली.
